Luka 6:30 - Tokelauan New Testament

³⁰ Fōki ki ho he tino e gogō atu ki hau mea; ma kāfai hau mea e kave e he tino, koe nahe lea ki ei ke toe kaumai.

Luka 6:30 ပူးပေါင်းရင်းမြစ်များ

Mataio 18:35

Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”

Mataio 5:39

Kae ko au e lea atu nei ki a te koutou: nahe tauia e koutou he mea kino a he tino na fai ki a te koutou. Kāfai tō pakōkō taumatau e po e he tino, liliu ki ei tētahi pakōkō.

Mataio 6:12

Fakamāgalo o mātou hehē, e vē oi fakamāgalo e ki mātou ia hehē o iētahi tino ki a te ki mātou.

Luka 11:41

Kae fōki nā mea i loto o nā iputi ma nā ipukai a koutou ma nā tino mātitiva, oi ka fakamamāgia ai nā mea uma mo koutou.

Luka 12:33

Fakatau atu autou mea, ma fōki te tupe ma nā tino mātitiva. Fai ni autou ato teu tupe e hē mafai ke fano e gatu, ma teu ni autou koloa i te lagi, te mea e hē mafai ke fakaitiitia ai, auā e hēai he tino kaihohoa e mafai ke pa ki ei, pe ni mogamoga ke ki lātou fakakinoa.

Luka 18:22

I te lagona atuga e Iehu o te mea tēnei, oi vāgana atu ai ki ei, “Ko toe tahi lava la te mea e tatau ke kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 6:29

Kāfai tō pakōkō e po e he tino, fufuli foki ki ei tētahi pakōkō; kāfai tō peleue tatao e kave e he tino, fōki ki ei ma tō kofutino.

Luka 6:31

Ma ko nā mea e fofou koutou ke fai e iētahi tino ki a te koutou, ke vēnā foki lava ona fai e koutou ki a te ki lātou.

Luka 6:38

Fōki ki iētahi tino, oi fōki atu ai ki a te koutou e te Atua. Ka maua kātoatoa e koutou, he vāega lahi lele e liligi atu ki nā lima o koutou — ki te mea e gata ai te mafai e koutou oi ōpoipoi i outou lima. Auā ko te fua e fakaaogā e koutou, ko te fua foki ia ka fakaaogā e te Atua ki a koutou.”

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.