Luka 6:28 - Tokelauan New Testament

²⁸ fakamanuia ki a te ki lātou e fetūa koutou, ma tatalo mo ki lātou e fakahāuā atu ki a te koutou.

Luka 6:28 ပူးပေါင်းရင်းမြစ်များ

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Luka 6:27

“Kae ko au e lea atu ki a te koutou e fia fakalogo mai ki a te au: alolofa ki nā tino e fai koutou ma o lātou fili, ma fai lelei ki a te ki lātou e ita atu ki a te koutou,

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Gāluega 14:5

Oi fai ai te tonu a ni tino nukukehe ma ni tino Iutaia fakatahi ma o lātou takitaki, ke honafai nā apohitolo ma ke fetogi i nā fatu.

Gāluega 7:60

Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

Loma 12:14

Lea ki te Atua ke fakamanuia nā tino e faikino atu ki a te koutou — io, lea ke fakamanuia kae nahe fakamālaia.

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

Iakopo 3:10

Ko nā kupu e fakafetai ai ma nā kupu e fetū ai, e hau ki fafo mai te gutu e fokotahi. Oku uho, ko te mea tēnei e hē tatau ke tupu!

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.