Luka 6:27 - Tokelauan New Testament

²⁷ “Kae ko au e lea atu ki a te koutou e fia fakalogo mai ki a te au: alolofa ki nā tino e fai koutou ma o lātou fili, ma fai lelei ki a te ki lātou e ita atu ki a te koutou,

Luka 6:27 ပူးပေါင်းရင်းမြစ်များ

Maleko 4:24

Kua toe vāgana atu ia Iehu ki a te ki lātou, “Fakalogo lelei ki nā mea e lagona e koutou! Ko te fua e fakaaogā e koutou, ko te fua foki ia ka fakaaogā e te Atua ki a te koutou — ma ka lahi atu e toe fakaopoopo mo koutou.

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Luka 8:15

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Luka 8:18

“Kikila fakalelei la pe lagona vēhea e koutou te kupu; auā ko nā tino kua i ei ni mea ka toe fōki ki ei iētahi mea, kae ko nā tino e hēai ni mea ka kave kehe mai ia te ki lātou ke pa lava ki he tamāmea e manatu ki lātou e ia te ki lātou.”

Luka 8:8

Ka ko iētahi na pakukū ki luga o te kelekele lelei; kua ola ake nā lākau ma fua mai nā fuāhaito e taki tau helau.” Kua fakauma ia akoakoga a Iehu oi lea vē atu ai, “Kāfai e i ei ni outou taliga, fakalogo mai la!”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 16:28

Kae kua kalaga leo lahi vē atu ki ei ia Paulo, “Nahe faia e koe te mea tēnā! Ko ki mātou uma e i kinei!”

Gāluega 7:60

Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

1 Tehalonia 5:15

Kikila ke nahe i ei he tino e ia taui atua te kino i te kino, kae taumafai i taimi uma ke fai nā mea lelei e tētahi ki tētahi, ma vēnā ki tagata uma.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.