Luka 6:26 - Tokelauan New Testament

²⁶ “Kae hāloa la koutou, kāfai koutou e taku leleia e tagata uma; auā ko te mea foki tēnā na fai e o lātou tupuna ki nā pelofeta pepelo.

Luka 6:26 ပူးပေါင်းရင်းမြစ်များ

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Luka 6:25

Kae hāloa la koutou iēnā e mākokona nei; auā ka fia kakai koutou! Kae hāloa la koutou iēnā e faikakata nei; auā ka fakanoanoa ma faitatagi koutou!

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Ioane 7:7

Ko te lalolagi e hē inoino atu ki a te koutou, kae e inoino mai ki a te au, auā ko au e molimau ki te kino o ana gāluega e fai.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.