Luka 6:23 - Tokelauan New Testament

²³ Koutou ke olioli i te aho tēnā ma tūtaoho ki luga i te fiafia, auā e i te lagi te koutou taui lahi. Nae fai foki lava e o lātou tupuna nā mea iēnei ki nā pelofeta.

Luka 6:23 ပူးပေါင်းရင်းမြစ်များ

Mataio 5:12

Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Luka 1:41

Na lagona atu lava e Elihapeta te ofoalofa mai a Malia, oi gāoioi ake ai foki ma te pepe i tona manava. Kua fakatumulia foki ia Elihapeta i te Agaga Paia,

Luka 1:44

Auā na lagona atu lava e au tau ofoalofa mai, oi gaoi ake ai foki te pepe i toku manava, i tona fiafia.

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Gāluega 14:10

ma lea vē atu i he leo lahi, “Tū hako ake ki luga!” Na tū loa ki luga te tamāloa ma kāmata oi hāvalivali holo.

Gāluega 3:8

na oho loa ki luga te pipili, kua tū ki luga ma kāmata oi havalivali. Oi fano ai ki loto o te Mālumalu fakatahi ma te toka lua, e havali ma tūtaoho ma viviki ki te Atua.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Iakopo 1:2

Te kau uho, koutou ke fiafia kāfai koutou e maua i te lahi o itūkāigā tofotofoga kehekehe,

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.

Fakaaliga 2:26

Ki nā tino e ki lātou maua te manumālō ma tūmau ma te fakamāoni i taku gāluega ke pa ki te ikuga, ka fōki e au ki ei te pule na tuku mai ki a te au e toku Tamana: ka ia te ki lātou te pule e pūlea ai iētahi mālō; ka ki lātou pūlea i te pule fakahāuā ma tamoi likiliki nā tino e vē ni ulo ōmea. Ka kō fōkiatua foki ki a te ki lātou te fetu o te taeao, ke fakailoa ai to lātou manumālō.

Fakaaliga 2:7

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō tukua ki ei te avanoa ke kakai ai ki nā fua o te lākau o te ola, e ola i te Fatoaga o te Atua.

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.

Fakaaliga 3:12

Ko ai lava e manumālō, ka kō kavea ki lātou ke fai ma poutū o te mālumalu o toku Atua, ma ka hē toe olo kehe lele mai ai ki lātou. Ka kō tuhiagia ki o lātou luga te igoa o toku Atua ma te igoa o te kakai o toku Atua, te Ieluhalema fou, tēia ka fanaifo ki lalo mai te lagi mai toku Atua. Ka kō tuhiagia foki ki o lātou luga toku igoa fou.

Fakaaliga 3:5

Ko nā tino kua ki lātou mauagia te manumālō, ka kokofu vēnei i nā kofu paepae, ma ka hē kave keheagia e au o lātou igoa mai te tuhi o te ola. I mua o toku Tamana ma ana agelu, ka fakailoa atu e au ko ki lātou e āku.