Luka 6:21 - Tokelauan New Testament

²¹ Amutia koutou iēnā e fia kakaia nei; auā ka fakamaliegia kātoatoa koutou! Amutia koutou iēnā e faitatagi nei; auā koutou ka faikakata!

Luka 6:21 ပူးပေါင်းရင်းမြစ်များ

Mataio 5:4

Amutia nā tino e fakanoanoa; auā ka fakamāfanafanagia ki lātou e te Atua!

Mataio 5:6

Amutia nā tino e fakahilihili i o lātou loto te fakatinoga o nā mea e fofou ki ei te Atua; auā ka fakamaliegia kātoatoa ki lātou e te Atua!

Luka 1:53

Kua fafaga mākokona e ia nā tino fia kakaia i nā mea lelei, kae uga kehe vē nā tino maumea e aunoa ma he mea.

Luka 6:20

Kua kikila atu ia Iehu ki ona hoko, oi lea atu ai vēnei ki ei, “Amutia koutou nā tino e mātitiva; auā e o koutou te Mālō o te Atua!

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Luka 6:25

Kae hāloa la koutou iēnā e mākokona nei; auā ka fia kakai koutou! Kae hāloa la koutou iēnā e faikakata nei; auā ka fakanoanoa ma faitatagi koutou!

Ioane 11:35

Oi tagi ai ia Iehu.

Ioane 4:10

Kua tali atu ia Iehu ki ei, “Ka na he mea na kē iloa te meaalofa a te Atua, ma pe ko ai foki te tino e lea atu ki a te koe mo he vai inu, anei ake kua lea koe ki ei, ma kua ia fōkiatua ki a te koe, te vai o te ola.”

Ioane 6:35

Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele.

1 Kolinito 4:11

Ke pa mai ki te taimi nei, ko ki mātou e fia kakai ma fia inu; e kokofu i nā kofu gāhaehae; e kini; e hēai ni mea e nonofo ai;

2 Kolinito 11:27

Ko au nae galue ma te fītā; e lahi nā pō nae hē maua haku moe; nae fia kaia ma fia inua; e lahi nā taimi nae hē maua ai haku mea ke kai, he mea ke fakamalu ki ei, pe ni kofu ke fakamāfanafana ai.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 6:10

e ui e fakanoanoa, kae ko ki mātou e fiafia i taimi uma; e ui e vē ki mātou e mātitiva, kae kua maukoloa te tokalahi o tagata ona ko ki mātou; e ui e vē ki mātou e hēai ni mea, kae ko nā mea uma lele e a ki mātou.

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Fakaaliga 21:3

Na lagona atu e au he leo e tautala leo lahi mai te nofoāliki e lea vē: “Kikila, ko te fale o te Atua kua i te mea e i ei ona tagata! Ka nofo fakatahi ia ma ki lātou, ma ka kavea ki lātou ma ona tagata. Ko te Atua ka i ei ma ki lātou, ma ka fai ia ma Atua o ki lātou.

Fakaaliga 7:16

Ka hē toe fia kakaia lele pe fia inua ki lātou; ka hē mu ki lātou i te mālohi o te vevela o te la pe ho hētahi itūkāigā vevela mālohi,