Luka 6:11 - Tokelauan New Testament

¹¹ Kae kua fēkakai lele ki lātou ma kāmata oi fakataufai, pe he ā ta ki lātou ka fai ki a Iehu.

Luka 6:11 ပူးပေါင်းရင်းမြစ်များ

Mataio 16:7

Oi kāmata ai kua fakataufai te kau hoko nā ko ki lātou ma lea vē tētahi ki tētahi, “E lea mai vēnei auā e hēki kaumaia ni a tātou falaoa.”

Mataio 21:45

I te lagonaga e nā ohitāulaga hili ma te kau Falehaio nā talafakatuha a Iehu, oi iloa ai e ki lātou ko nā talafakatuha e fakatatau ake ki a te ki lātou,

Luka 4:28

I te lagona atuga e nā tino nae i loto o te hūnako te mea tēnei, oi tīgā lele ai o lātou loto.

Luka 6:10

Kua fakaholo atu tana kikila ki a te ki lātou uma, oi lea atu ai ki te tamāloa, “Fakahako atu tō lima” Kua vēnā ona fai e ia, oi toe lelei ai tona lima.

Luka 6:12

I nā aho lava iēnā, na fano ai ia Iehu ki luga o he mauga oi tatalo ai; na fano te pō kātoa e tatalo ki te Atua.

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Gāluega 26:11

E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Gāluega 4:15

Oi fakatonu ai e ki lātou te toka lua ke olo ki fafo o te potu fono, kae kua kāmata oi talatalanoa lava ki lātou.

Gāluega 4:19

Ka kua tali atu ia Petelu ma Ioane, “E tatau ke fuafua e koutou pe ko tēfea te mea e hako i te kikila a te Atua — pe ko te uhitaki atu ki a te koutou, pe ko te uhitaki ki te Atua.

Gāluega 5:33

I te lagona atuga e te Taupulega o te mea tēnei, oi na fēkakai lahi lele ai ma fofou lele ke ki lātou tāmatea te kau apohitolo.

Gāluega 7:54

Ka koi fakalogologo te Taupulega ki a Hetefano, ka kua kāmata oi feita lahi ma katigū o lātou nifo i o lātou fēkakai.

2 Timoteo 3:9

Kae e hē mataloa he taimi e hao ai a lātou mea iēnei, auā ka kitea e tagata te vālelea o ki lātou, e vē foki lava ko te mea na pa ki ei ia Ianehe ma Iamele.