Luka 5:33 - Tokelauan New Testament

³³ Kua lea atu iētahi tino ki a Iehu, “Ko nā hoko o Ioane e fakalāina ho ma fai a lātou tatalo, oi vēnā foki nā hoko o te kau Falehaio; kae ko nā hoko o koe e kakai ma feinu.”

Luka 5:33 ပူးပေါင်းရင်းမြစ်များ

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Maleko 12:40

E fakavalea e ki lātou nā fafine kua oti a lātou āvaga ma kaihohoa a lātou mea uma, ma e fakaloloa a lātou tatalo ka ke ōfo ai ia tagata. Kae ka hili atu te pakia o ki lātou i te mamafa o te fakahalaga ka pa ki ei!”

Luka 11:1

I tētahi aho, ko Iehu nae tatalo i he mea. I te umaga o tana tatalo, oi lea vē atu ai ki ei tētahi ona hoko, “Te Aliki, fakaako mai ko ki mātou i te tatalo, e vē ko te fakaakoga e Ioane nā hoko o ia.”

Luka 18:12

E lua ia aho o te vaiaho e fakalāina ai au, ma e kavatu e au mo koe te tahi vaehefulu o aku tupe uma e maua.’

Luka 20:47

e fakavalea e ki lātou nā fafine kua oti a lātou āvaga, ma kaihohoa o lātou fale; e fakaloloa a lātou tatalo kae ke ofo ai ia tagata. Ka hili lele atu ai lava te mamafa o te lātou fakahalaga!”

Luka 5:32

Ko au e hēki hau ke kalaga ki nā tino lelei kae ki nā tino e inohia e tagata, ke halamō.”

Luka 5:34

Kua tali mai ia Iehu ki a te ki lātou, “E koutou mafaia oi fakalāina te kau valakaulia i he fakaipoipoga, ka koi i ei te tama fakaipoipo fakatahi ma ki lātou? E hē mafai!

Ioane 1:35

I te aho alafaki, na toe tū ai foki ia Ioane i kinā fakatahi ma ona hoko e toka lua,

Ioane 3:25

Ko iētahi hoko o Ioane, kua kāmata oi fai fīnauga ma he tino Iutaia e uiga ki te fakamamāgia.

Gāluega 9:11

Kua vāgana atu te Aliki ki ei, “Hāuni oi fano ki te auala e igoa ko te Auala Hako, ma i te fale o Iuta, lea ki ei ko koe e fia feiloaki ki he taulealea mai Taheha e igoa ki a Haulo. Ko te taulealea e tatalo,