Luka 5:30 - Tokelauan New Testament

³⁰ Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Luka 5:30 ပူးပေါင်းရင်းမြစ်များ

Mataio 5:46

Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā!

Mataio 9:11

Kua kitea e iētahi Falehaio te mea tēnei, oi fehili vē atu ai ki nā hoko o Iehu, “He ā te kakai fakatahi ai te koutou faiakoga ma nā tino vēnā?”

Maleko 2:16

Ko iētahi faiakoga o te Tūlāfono, ni Falehaio, kua ki lātou kitea atu ia Iehu e kakai fakatahi ma nā aolāfoga vēnā ma nā tino inohia, oi fehili vē atu ai ki ona hoko, “He ā te kakai fakatahi ai ia Iehu ma nā tino vēnā?”

Maleko 7:3

(Auā ko te kau Falehaio ma tagata Iutaia uma, e tauhihi lava ki nā akoakoga na ki lātou maua mai i o lātou tupuna; e hē mafai ke kakai heiloga e mua fafano o lātou lima, e vē ko te tu tau tāpuakiga kua māhani ai.

Maleko 9:16

Oi fehili atu ai ia Iehu ki ona hoko, “He matākupu a te fai fīnauga ai koutou ma nā tino iēnā?”

Luka 18:11

“Ko te Falehaio nae tū tautahi ma tatalo vēnei, ‘Te Atua, ko au e fakafetai atu ki a te koe, auā ko au e hē manako lahi, e hē talapepelo, ma e hē mulilua e vē ko iētahi tino. Ko au e fakafetai atu, auā ko au e hē vē ko te aolāfoga tēia.

Luka 19:7

Ko nā tino uma na ki lātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”

Luka 5:17

I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale.

Luka 5:21

Oi kāmata ai kua fakataufai nā faiakoga o te Tūlāfono ma te kau Falehaio, ma fehili vē, “Ko ai tēnei tagata e fai kupu fāifāi ki te Atua? Nā ko te Atua oioti lava te ia mafaia oi fakamāgalo nā agahala!”

Luka 7:34

I te hauga o te Ataliki o te Tagata, nae kai ma inu, kae kua lea vē koutou, ‘Kikila ki te tagata tēnei! E kai fakaatuatuvale ma konā i te uaina, ma ko he uō e a nā aolāfoga ma iētahi tino inohia!’

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Gāluega 23:9

Kua fakalalahi te piha, oi tutū ai ki luga iētahi faiakoga o te Tūlāfono i te itū o te kau Falehaio, kua faitio lahi lele ma lea vē atu: “E hēai he mea kua ki mātou maua e hala ai te tagata tēnei! Hōvē moni he agaga pe he agelu na tautala ki ei!”