Luka 5:17 - Tokelauan New Testament

¹⁷ I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale.

Luka 5:17 ပူးပေါင်းရင်းမြစ်များ

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 15:1

Oi ōmai ai ni Falehaio ma ni faiakoga o te Tūlāfono mai i Ieluhalema ki a Iehu ma fehili vē atu ki ei,

Maleko 1:45

Kae kua fano te tino kua kāmata tālaki valevale te tala. Ko te mea ia na hē mafai ai ia Iehu ke fano ki he kakai, ka kua fano oi nofo i nā mea e hēai ai ni tino. Kae e hēki uma ai te holo mai o tagata ki a te ia, mai nā pito fenua kehekehe.

Maleko 16:18

kāfai e hiki ki luga e ki lātou nā gata, pe inu ki ho he meakona, ka hē āfāina ai ki lātou; kāfai e fakauta o lātou lima ki luga o nā tauale, ka mālōlō ai nā tauale.”

Maleko 3:22

Ko iētahi faiakoga o te Tūlāfono na ōifo mai Ieluhalema kua lea vē, “Ko te tagata tēnei e ulufia e Pelehepulo. Ko te takitaki o tēmoni te ia fōkia ki ei te pule ke tuli ai ki fafo nā tēmoni.”

Maleko 5:30

Ko te taimi foki lava tēnā na lagona ai e Iehu te fanatu o tona mana mai ia te ia, oi liliu atu ai ki ona tua ki te kaifenua ma fehili vē atu, “Ko ai te na paki mai ki oku kofu?”

Maleko 7:1

Ko iētahi o te kau Falehaio fakatahi ai ma ni faiakoga o te Tūlāfono na ōmamai mai Ieluhalema, kua fakapotopoto ki tafa o Iehu.

Luka 15:2

ma kua kāmata oi mūimui te kau Falehaio ma nā faiakoga o te Tūlāfono, “Ko te tagata nei e talia e ia nā tino inohia, ma kakai fakatahi ma ki lātou!”

Luka 2:46

Ko tona tolu o aho na maua ai e ki lāua ia Iehu i te Mālumalu, e nofo i te mea e i ei nā faiakoga, e fakalogologo ki ei, ma fai ki ei ana fehili.

Luka 5:21

Oi kāmata ai kua fakataufai nā faiakoga o te Tūlāfono ma te kau Falehaio, ma fehili vē, “Ko ai tēnei tagata e fai kupu fāifāi ki te Atua? Nā ko te Atua oioti lava te ia mafaia oi fakamāgalo nā agahala!”

Luka 5:30

Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Luka 6:19

Ko nā tino uma lele, nae taumafai ke pa atu o lātou lima ki a Iehu, ona ko te mana nae fano ki fafo mai ia te ia, na fakamālōlō uma ai ki lātou.

Luka 7:30

Kae kua teteke e te kau Falehaio ma nā faiakoga o te Tūlāfono, te fuafuaga a te Atua mo ki lātou, ma e hēki ki lātou talia ai ke papatiho ki lātou e Ioane.

Luka 8:46

Kae kua lea atu ia Iehu, “E i ei lava te tino na pa mai tona lima ki a te au; na kō hāfia lava i te māui atuga ki fafo o te mana mai ia te au.”

Ioane 3:10

Kua tali mai ia Iehu, “Ko koe he faiakoga iloa i Ihalaelu, ka ko koe e hē mālamalama i nā mea iēnei?

Ioane 3:21

Ka ko nā tino e ki lātou faia te mea e tonu, e ōmamai ki te mālamalama kae ke kitea ai i te mālamalama, ko nā mea e ki lātou faia, e fai i luga o te uhitaki ki te Atua.

Gāluega 19:11

Ma e i ei ni itūkāigā vāvega uiga kehe na fai e te Atua, e ala ia Paulo.

Gāluega 4:30

Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”

Gāluega 5:34

Kae kua tū ki luga hētahi o ki lātou, he Falehaio e igoa ki a Kamalielu, ma ko he faiakoga o te Tūlāfono e amanakia lahi lele e tagata uma. Kua fakatonu e ia ke kave ki fafo te kau apohitolo mo hina taimi,