Luka 4:6 - Tokelauan New Testament

⁶ Kua lea atu te Tiāpolo ki a Iehu, “Ka fōki atu e au ki a te koe te pule ki nā mālō uma iēnei, vēnā ma o lātou mamalu; auā kua uma te tuku mai ki a te au, ma e kō mafaia oi fōki ki ho he tino e loto au ki ei.

Luka 4:6 ပူးပေါင်းရင်းမြစ်များ

Luka 4:7

Kāfai la koe e ifo mai ki a te au, ko nā mea uma lele iēnei, ka e a koe.”

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

2 Kolinito 11:14

Ma e hetioa, auā e pa foki lava ki a Hātani, e ia fakahehēa ia tagata ke vēakē ko ia ko he agelu huhulu pupula!

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

1 Petelu 1:24

E vē oi lea mai te tuhituhiga paia, “Ko tagata ola uma e vē ko te mutia ma ko nā mea uma e takutakua ai ki lātou e vē ko nā tiale o te vao. E mamago te mutia, ma malili ki lalo nā tiale,

1 Ioane 5:19

E iloa e ki tātou ko ki tātou e o te Atua e ui lava ko te lalolagi kātoa e i lalo o te pule a te Tino Kino.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:2

Ko te manu fekai e vē ko he leopate, ko ona vae e vē ni vae o he uloha ma tona gutu e vē he gutu o he leona. Kua tuku atu e te tālako tona mālohi ki te manu fekai, vēnā tona nofoāliki ma tana pule lahi fakatupu.

Fakaaliga 13:7

Na fakataga ke tau ma tagata o te Atua ma ke fakatōkilalogia ki lātou, ma na fōki ki ei te pule ke ia pūlea ai ia nuku uma, mālō uma, gagana uma ma lanu uma.