Luka 4:35 - Tokelauan New Testament

³⁵ Kae kua muna atu ki ei ia Iehu, kua lea vē atu, “Te piha kae hau loa ki fafo o te tino tēnā!” Na togi loa e te tēmoni te tamāloa ki lalo i mua o ki lātou, oi fano ai ki fafo kae e hēki ia faia he mea ke āfāina ai te tamāloa.

Luka 4:35 ပူးပေါင်းရင်းမြစ်များ

Mataio 17:18

Oi fai ai te fakatonuga a Iehu ki te agaga kino, ma na fano ai loa te tēmoni ki fafo o te tamaiti. I te taimi lava tēnā na mālōlō ai te tamaiti.

Mataio 8:26

Ka kua tali atu ia Iehu ki a te ki lātou, “He ā te mātataku ai koutou? Kai te taigole lele o te koutou fakatuatua!” Oi tū ai ia Iehu ki luga kua fakatonu te matagi ma nā galu ke mālū, oi toku ai loa te matagi ma toka te tai, ma kua tokihi te malino.

Maleko 1:26

Na fakatete lahi loa e te agaga kino te fuaitino o te tamāloa ma taukekē leo lahi, oi fano ai ki fafo.

Maleko 4:39

Na tū ake loa ia Iehu ki luga, oi fakatonu vē atu te matagi, “Tokihi loa!” kua lea vē atu foki ki nā galu, “Totoka loa!” Oi toku ai loa te matagi ma toka te tai, ma kua tokihi te malino.

Maleko 9:26

Na taukekē loa te agaga kino ma fakatete lahi te taumalo oi hau ai ki fafo. Kua tatia te taumalo e vē he tino kua oti, ko te mea ia na lea vē ai te tokalahi o nā tino, “Ko te taumalo kua oti!”

Luka 11:22

Kae kāfai hētahi tamāloa e hili atu tona mākeke, e ohofaki ma fakatōkilalo e ia te tamāloa e o ia te fale, e kave e ia nā kaukupega uma nae fakamoemoe ki ei te tino e o ia te fale, ma vāevāe e ia nā koloa kaihohoa ki tana vāega.

Luka 4:23

Kua lea atu ia Iehu ki a te ki lātou, “E hē taumate ka koutou fai maia ki a te au te alagākupu tēnei, ‘Te fomai, mua fakamālōlō lava koe e koe!’ Ka lea mai foki koutou, ‘Fai foki i kinei i tō nuku, nā mea na fakalogo ki mātou na fai e koe i Kapenaumi.’ ”

Luka 4:39

Oi fano ai ia Iehu, kua tū i tafa o te moega o te fafine kae fakatonu te fiva ke fano kehe mai te fafine. Kua fano kehe te fiva mai te fafine, oi tū ake ai loa ki luga i te taimi lava tēnā, oi laulau te lātou meakai.

Luka 4:41

Na olo foki ki fafo nā tēmoni mai nā tino e tokalahi, ma taukalalaga vēia, “Ko koe ko te Ataliki o te Atua!” Kae kua fakatonu atu e Iehu nā tēmoni ke nahe ki lātou tautatala, auā e iloa e nā tēmoni, ko Iehu ko te Mehia.

Luka 8:24

Oi olo ai te kau hoko oi fafagu ia Iehu ma lea vē atu ki ei, “E te tamana! Ko ki tātou ka feoti!” Kua nofo ake ki luga ia Iehu, oi fakatonu ai e ia te matagi ma nā galu; ma na toku ai loa te matagi ma toka ma te tai, ma kua tokihi te malino.

Luka 9:39

E teki lava kua kekē, e ulufia e he agaga kino. E fakatete tona tino e te agaga kino, ma hau te piapia i nā gutu; e fakatāugā e ia toku ataliki, ma e tau hē teka kehe lele ma ia!

Luka 9:42

Koi havali mai te taumalo ki a Iehu, kae ato e te tēmoni ki lalo ma fakatete tona tino. Oi munaia ai e Iehu te agaga kino, ma fakamālōlō te taumalo, oi toe tuku atu ai ki tona tamana.

Fakaaliga 12:12

Ko te lagi la ma nā tino uma e nonofo ai e tatau ke fiafia! Kae hāloa la te lalolagi ma te tai! Auā ko te Tiāpolo kua fanaifo ki lalo ki a te koutou ma e tumu i te tōkahā lahi, auā e ia iloa e pukupuku lele tona taimi koi totoe.”