Luka 4:25 - Tokelauan New Testament

²⁵ “Kae ko te meamoni, nae tokalahi ia fafine kua oti a lātou āvaga i Ihalaelu i nā aho o Elia, i te taimi na hēki i ei ai he ua e to i te tolu ma te āfa tauhaga, ma na oge lahi lele ai te fenua kātoa.

Luka 4:25 ပူးပေါင်းရင်းမြစ်များ

Mataio 20:15

E hē ia te au nei te faitalia ke fakaaogā ai aku tupe ki te mea e fofou au ki ei? Pe ko koe e loto kino auā ia au e kaimakoi?’ ”

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Loma 9:15

Auā na vāgana te Atua ki a Mohe, “Ka fakaalia toku alofa fakahao ki ho he tino e loto au ki ei; ka fakaalia toku tīgā alofa ki ho he tino e loto au ki ei.”

Loma 9:20

Kae ko ai nei koe, he tagata, ke toe tali ai koe ki te Atua? E hē mafai e te ulo ōmea ke lea vē atu ki te tino na ia gaohia ia, “He ā te na gaohi vē ai au e koe?”

Efeho 1:11

Ko nā mea uma e fakatino e tuha ai ma te fuafuaga vēnā ma te finagalo o te Atua; ma kua filifilia ki tātou e te Atua ke fai ma ona tagata i te hokotaga ma Keliho, ona ko te mea lava ia na fofou ia ki ei mai te kāmataga.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Iakopo 5:17

Ko Elia ko he tino e vē lava ko ki tātou. Na tatalo fakatauanau ke nahe ua, ma na kātoa te tolu ma te āfa tauhaga e hēki i ei he ua na pakū ki luga o te kelekele.

Fakaaliga 11:6

Kua ia te ki lāua te pule ke tapuni ai te lagi kae ke nahe ua lele i te taimi e tālaki ai e ki lāua te fekau a te Atua. Kua ia te ki lāua foki te pule ke fakaliu ai nā vai ki te toto, ma ke fakatupu ai i te lalolagi ho he itūkāigā mala, i ho he taimi lava e fofou ki lāua ki ei.