Luka 24:51 - Tokelauan New Testament

⁵¹ Ka koi fakamanuia atu e ia ki lātou, oi fano kehe ai, kua hikitia ake ki te lagi.

Luka 24:51 ပူးပေါင်းရင်းမြစ်များ

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Luka 24:50

Oi tataki ai ki lātou e ia ki fafo o te kakai, ke pa ki Petania, oi hiki ake ai ona lima ki luga, ma fakamanuia ki a te ki lātou.

Luka 24:52

Kua vīkia e ki lātou ia Iehu, oi toe foki ai ki Ieluhalema, kua fakatumulia i te fiafia lahi,

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Gāluega 1:9

Kua uma te vāgana atu vēnei o Iehu, oi hikitia ake ai ki te lagi kae kikila atu ki lātou, ma na pupuni ai ia i he ao, mai te lātou kikila.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.