Luka 24:4 - Tokelauan New Testament

⁴ Oi tutū ai i kinā, kua hē ki lātou hāfia te uiga o te mea tēnei, kae nā lava e teki ni tamāloa e toka lua kua tutū i o lātou tafa, ma ko o lā kofu e huhulu pupula.

Luka 24:4 ပူးပေါင်းရင်းမြစ်များ

Maleko 16:5

Oi ulu atu ai ki lātou ki loto o te tugamau ma ki lātou kitea atu he taumalo e nofo mai i te itū taumatau, e kofu i he kofu tatao paepae loloa e pa ki ona tapuvae; oi na mātataku lele ai ki lātou.

Luka 2:9

Oi kitea ai e ki lātou he agelu a te Aliki, ma kua huluia fakatāmilo ki lātou i te mamalu o te Aliki. Na mātataku lahi lele ki lātou,

Luka 24:5

Na mātataku lele nā fafine ma pūnonou ifo o lātou ulu ki te kelekele. Kua lea atu ki ei nā tamāloa, “He ā te hakili ai e koutou nā tino ola, i te mea e i ei nā tino oti?

Gāluega 1:10

Ka koi kikila ake lava o lātou mata ki te lagi i te teka kehe atuga o Iehu, kae teki lava kua i ei ni taulelea e toka lua e tutū i o lātou tafa, e kokofu i ni kofu paepae.

Gāluega 12:7

Kae nā lava e teki ko he agelu a te Aliki kua tū mai, ma he mālamalama kua huhulu i loto o te potu e i ei ia Petelu. Kua haehae atu te agelu ki te takuau o Petelu, oi ala ai ia Petelu, ma kua lea vē atu te agelu ki ei, “Faivave! Tū loa ki luga!” Ko te taimi lava tēnā na pakukū kehe ai nā filifili nae i ona lima.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.