Luka 24:27 - Tokelauan New Testament

²⁷ Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.

Luka 24:27 ပူးပေါင်းရင်းမြစ်များ

Maleko 4:34

Nae hē mafai ia Iehu ke akoako atu ki tagata e aunoa ma te ia fakaaogāgia o nā talafakatuha, kae kāfai ko ia oioti ma ona hoko, oi fātoā fakamālamalama ai e ia nā mea uma lele ki ei.

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Ioane 1:45

Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Ioane 12:41

Na lea vēnei ia Ihaia auā na kitea e ia te mamalu o Iehu, ma nae tautala ki tagata e uiga ki ei.

Ioane 5:37

Ma ko te Tamana na ia uga mai au, e molimau foki ki a te au. E hēki lagona lele e koutou tona leo, pe kitea e koutou ona fōliga,

Ioane 5:39

E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Gāluega 3:22

Auā na lea vēia ia Mohe, ‘Ko te Aliki te Atua ka ia uga atua he pelofeta ki a te koutou, e vē foki lava ko te ia uga atuga o oku, ma ko he tino lava mai ia te koutou. E tatau koutou ke fakalogo ki ei i ho he mea e lea atu ai.

Gāluega 3:24

Ma ko nā pelofeta uma na ki lātou fakailoa maia te fekau mai te Atua, e aofia ai ia Hamuelu ma ki lātou i tua mai, na folafola foki e ki lātou nā mea e tutupu i nā aho nei.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’

Gāluega 8:35

Oi kāmata ai kua tautala ia Filipo; mai te vāega tēnei o te tuhituhiga paia, na fakamatala e ia ki te eunuka te Tala Lelei e uiga ki a Iehu.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.