Luka 23:6 - Tokelauan New Testament

⁶ I te lagona atuga e Pilato o te mea tēnei, oi fehili ai vē, “Ko te tagata tēnei ko he Kalilaia?”

Luka 23:6 ပူးပေါင်းရင်းမြစ်များ

Mataio 26:69

E nofo ia Petelu i fafo i te lōtoā kae hau he kaukauna fafine a te Ulu Ohitāulaga kua lea vē mai ki ei, “Ko koe foki tētahi tino nae i ei fakatahi ma Iehu te tino Kalilaia.”

Luka 13:1

Nae i ei ni tino nae i kinā i te taimi tēnā, na ki lātou takua ki a Iehu e uiga ki nā tino Kalilaia na fakamaligi o lātou toto e Pilato, ka koi ofo atu a lātou tāulaga mu ki te Atua.

Luka 23:5

Kae kua fakaatili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”

Luka 23:7

I te ia iloaga ko Iehu e hau i te itūmālō e pūlea e Helota, oi uga ai e ia ki ei ia Iehu. Ko Helota foki nae i Ieluhalema i te taimi tēnā.

Gāluega 5:37

E uma atu te mea tēnā, kae hula mai ia Iuta te tino Kalilaia i te taimi o te tuhigāigoa; na mulimuli foki ki ei he kaifenua, kae na tāmate foki ma na takape ai ma nā tino nae mulimuli ki ei.