Luka 23:4 - Tokelauan New Testament

⁴ Oi lea atu ai ia Pilato ki nā ohitāulaga hili ma te kaifenua, “E hēai he mea e kō kitea e tatau ai ke fakahala te tino tēnei.”

Luka 23:4 ပူးပေါင်းရင်းမြစ်များ

Mataio 27:19

Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”

Maleko 15:14

Kae kua fehili atu ia Pilato, “Aiheā, ko he holitūlāfono ā ta ia kua fai?” Ka kua fakaatili ai te taukalalaga leo lahi o ki lātou, “Fakahātaulo te tino tēnā!”

Luka 23:22

Kua lea atu ia Pilato ki a te ki lātou, ma ko te fakatolu tēnei o taimi, “Aiheā, ko he holitūlāfono ā ta ia kua fai? E hēai he mea e fokotahi kua kō maua na fai e ia, e tatau ai ke tāmate! Ka fakatonu e au ke kini, oi tuku ai ke fano.”

Ioane 18:38

“He ā te meamoni?” kua fehili atu ki ei ia Pilato. Oi toe fano ai ia Pilato ki fafo kinā tino Iutaia, ma lea vē atu ki ei, “E hēai he mea e kō kitea, e tatau ke fakahala ai te tino tēnei.

Gāluega 25:25

Kae e hēai he mea na kō maua na ia faia, e tatau ai ke fakahala i te oti. Kae ona kua fakatagi mai ko ia ke kave ke fakamahino e te Kaihala, kua tonu ai ia te au ke kave ki ei.

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,