Luka 23:34 - Tokelauan New Testament

³⁴ Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Luka 23:34 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 11:26

Io, te Tamana, ko te mea lava tēnei na fofou koe ke fai.

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Maleko 15:24

Oi fakahātaulo ai e ki lātou ia Iehu ma fai te lātou vili ke iloa ai te mea kofu o Iehu e maua e te tino, oi tufatufa ai vēnā e ki lātou nā kofu o Iehu.

Luka 22:42

Kua lea vē, “Te Tamana, kāfai koe e finagalo ki ei, kave kehe ko te ipu tēnei o puapuagā mai ia te au. Kae nahe faia toku loto, ka ko tō finagalo.”

Ioane 17:9

“Ko au e tatalo mo ki lātou. Ko au e hē tatalo mo tagata o te lalolagi, kae mo ki lātou uma na kē filifilia ke mulimuli mai ki a te au, auā e a koe ki lātou.

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Gāluega 16:28

Kae kua kalaga leo lahi vē atu ki ei ia Paulo, “Nahe faia e koe te mea tēnā! Ko ki mātou uma e i kinei!”

Gāluega 3:17

“Ko te mea ia oku uho Ihalaelu, e iloa e au ko te mea a koutou ma outou takitaki na fai ki a Iehu, na māfua ona ko koutou e hē mālamalama.

Gāluega 7:60

Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

Loma 12:14

Lea ki te Atua ke fakamanuia nā tino e faikino atu ki a te koutou — io, lea ke fakamanuia kae nahe fakamālaia.

1 Kolinito 2:8

E hēai he tupu o tēnei lalolagi na iloagia te poto tēnei. Ka na he mea na ki lātou iloa, e vēnei ake e hēki ki lātou fakahātauloa te Aliki mamalu.

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.