Luka 23:22 - Tokelauan New Testament

²² Kua lea atu ia Pilato ki a te ki lātou, ma ko te fakatolu tēnei o taimi, “Aiheā, ko he holitūlāfono ā ta ia kua fai? E hēai he mea e fokotahi kua kō maua na fai e ia, e tatau ai ke tāmate! Ka fakatonu e au ke kini, oi tuku ai ke fano.”

Luka 23:22 ပူးပေါင်းရင်းမြစ်များ

Luka 23:14

oi lea vē atu ai ki ei, “Na koutou kaumaia te tino tēnei ki a te au, ma lea mai koutou, nae ia fakahehēa ia tagata. Nei, kua uma te kō hukehukea i mua o koutou, ma e hēai he mea kua kō maua ke hala ai ia i nā mea kua koutou mōlia ai.

Luka 23:16

Ko te mea ia ka fakatonu ai e au ke kini, oi tatala ai ke fano.”

Luka 23:20

Ko Pilato na fofou ke tatala ia Iehu, ma ko te mea ia na toe tautala ai ki te kaifenua.

Luka 23:21

Kae kua taukālalaga vē mai ki lātou, “Fakahātaulo te tino tēnā! Fakahātaulo te tino tēnā!”

Luka 23:23

Kae kua taukālalaga lava leo lahi ki lātou ke fakahātaulo ia Iehu, ma na iku lava na mālō te mea na fofou ki lātou ki ei.

Luka 23:4

Oi lea atu ai ia Pilato ki nā ohitāulaga hili ma te kaifenua, “E hēai he mea e kō kitea e tatau ai ke fakahala te tino tēnei.”

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,