Luka 23:2 - Tokelauan New Testament

² ma ko kinā na kāmata ai oi mōlia e ki lātou ia Iehu ki a Pilato. Kua lea vē atu ki lātou, “Na maua e ki mātou te tino tēnei, e fakahehē e ia o mātou tagata. Na lea ki ei ke nahe totōgia a lātou lāfoga ki a Kaihala, ma ko ia ko te Mehia, ko he tupu.”

Luka 23:2 ပူးပေါင်းရင်းမြစ်များ

Mataio 17:27

Ka ko ki tātou e hē fofou ke fai he mea ke ita ai nā tino iēnei. Ko te mea ia, fano ki te vaitūloto oi lalafo ai tō uka. Ko tau ika muamua lava e hi, ka maua e koe i loto o te gutu he tupe hiliva e lava ke totogi ai taku lāfoga mo te Mālumalu vēnā ma tau lāfoga. Kave oi totogi ai a tā lāfoga.”

Mataio 22:21

Kua tali mai ki lātou, “E o Kaihala.” Oi lea atu ai ia Iehu ki a te ki lātou, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.”

Mataio 27:11

Kua kave ia Iehu ki mua o te kōvana, ma kua fehili atu te kōvana ki ei, “Ko koe moni ko te tupu o tagata Iutaia?” Kua tali mai ia Iehu, “Ko koe tēnā e lea ai.”

Maleko 12:17

Oi lea atu ai ia Iehu, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.” Na ofo lele ki lātou ki a Iehu.

Maleko 15:2

Kua fehili atu ia Pilato ki a Iehu, “Ko koe moni ko te tupu o tagata Iutaia?” Kua tali mai ia Iehu, “Ko koe tēnā e lea ai.”

Luka 23:14

oi lea vē atu ai ki ei, “Na koutou kaumaia te tino tēnei ki a te au, ma lea mai koutou, nae ia fakahehēa ia tagata. Nei, kua uma te kō hukehukea i mua o koutou, ma e hēai he mea kua kō maua ke hala ai ia i nā mea kua koutou mōlia ai.

Luka 23:5

Kae kua fakaatili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”

Ioane 18:29

Oi fano ai ia Pilato ki a te ki lātou i fafo ma lea vē atu ki ei, “He ā te holi tūlāfono kua mōlia ai e koutou te tino tēnei?”

Ioane 18:30

Kua tali mai ki lātou, “Anei ake te tagata nei e hēki holia e ia te tūlāfono, e hēki ki mātou kaumaia ki a te koe.”

Ioane 19:12

Kua lagona atu e Pilato nā kupu iēnei, oi taumafai ai ki he auala ke tatala ai ia Iehu. Kae kua taukalalaga mai ki ei nā tino Iutaia, “Kāfai e kē fakahaolotoa te tagata tēnā, ko koe la e hē ko he uō e a Kaihala te tupu! Ko te tino e lea ko ia he tupu, ko te tino tēnā e teteke ki a Kaihala.”

Gāluega 24:13

E hē ki lātou mafaia foki oi tuku atu ki a te koe he fakamāoniga o a lātou mōliga kua fai mai nei e uiga ki a te au.

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Loma 13:7

Totogi la nā tupe e nofo kaitālafu ai koutou ki ei; totogi ki ei nā itūkāigā lāfoga uma e tatau ke koutou totōgia, ma kavatu ki a te ki lātou uma te fakaaloalo ma te āva e tatau ai.