Luka 23:13 - Tokelauan New Testament

¹³ Kua fakapotopoto mai e Pilato nā ohitāulaga hili, nā takitaki o te Taupulega ma tagata,

Luka 23:13 ပူးပေါင်းရင်းမြစ်များ

Maleko 15:14

Kae kua fehili atu ia Pilato, “Aiheā, ko he holitūlāfono ā ta ia kua fai?” Ka kua fakaatili ai te taukalalaga leo lahi o ki lātou, “Fakahātaulo te tino tēnā!”

Luka 23:35

Ko nā tino kua tutū lava i kinā oi mātamata, kae fai kupu fakatauemu na takitaki o Iutaia ki a Iehu, kua lea vē ki ei, “Na fakaola e ia iētahi tino, tuku vē la ke ia fakaola ia ia lava, pe kāfai ko ia ko te Mehia kua filifilia e te Atua!”

Luka 24:20

Na tukulima atu ia e o mātou ohitāulaga hili ma o mātou takitaki, ke fakahala i te oti, oi fakahātaulo ai.

Ioane 12:42

E ui i tēia, e tokalahi ia takitaki o Iutaia na talitonu ki a Iehu; kae ona ko to lātou mātataku i te kau Falehaio, na hēki fofou ai ke fakailoa ki tagata to lātou talitonuga, auā nā ki lātou e tutulia ki fafo o te hūnako.

Ioane 18:38

“He ā te meamoni?” kua fehili atu ki ei ia Pilato. Oi toe fano ai ia Pilato ki fafo kinā tino Iutaia, ma lea vē atu ki ei, “E hēai he mea e kō kitea, e tatau ke fakahala ai te tino tēnei.

Ioane 19:4

Kua toe fano ia Pilato ki fafo ma lea vē atu ki tagata Iutaia, “Kikila, ka fakatonu e au ke kaumai ia Iehu ki fafo ki a te koutou, ke iloa ai e koutou, e hēai he mea e kitea e au e tatau ai ke fakahala.”

Ioane 3:1

Nae i ei hētahi takitaki o Iutaia, ko Nikotemo te igoa, he tino o te kau Falehaio.

Ioane 7:26

Kae kikila atu, e tautala i mua tagata, ma e hēai lele he lātou tala e fai ki ei! Pe ona nei e ki lātou iloa ko ia ko te Mehia?

Ioane 7:48

“E koutou iloa pe na kua i ei he takitaki e fokotahi o Iutaia, pe he Falehaio, e talitonu ki a te ia?

Gāluega 13:27

Auā e hēki iloa e nā tino e nonofo i Ieluhalema ma o lātou takitaki, ko Iehu ko te Fakaola, ma e hēki mālamalama foki ki lātou i nā kupu a te kau pelofeta e faitau ki tagata i Hāpati takitahi uma. Ka kua kavea te fakahalagia e ki lātou o Iehu, ma mea kua fakataunuku ai nā kupu a te kau pelofeta.

Gāluega 3:17

“Ko te mea ia oku uho Ihalaelu, e iloa e au ko te mea a koutou ma outou takitaki na fai ki a Iehu, na māfua ona ko koutou e hē mālamalama.

Gāluega 4:5

I te aho alafaki, oi fakamāopoopo mai ai ki Ieluhalema nā takitaki o Iutaia, te kau toeaina, ma nā faiakoga o te Tūlāfono.

Gāluega 4:8

Na fakatumulia ia Petelu i te Agaga Paia, oi tali vē atu ai ki ei, “Koutou nā takitaki o te nuku ma toeaina: