Luka 22:53 - Tokelauan New Testament

⁵³ I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Luka 22:53 ပူးပေါင်းရင်းမြစ်များ

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Luka 22:52

Oi lea atu ai ia Iehu ki te kau ohitāulaga hili, nā leoleo o te Mālumalu, ma te kau toeaina na ōmamai ke puke ia, “Ko au nei he tino kaihohoa kua ōmamai ai koutou ma nā pelu ma nā pōvai?

Luka 22:54

Kua puke e ki lātou ia Iehu ma takitaki ki te fale o te Ulu Ohitāulaga; ma ko Petelu kua taumulimuli mamao atu i tua.

Ioane 12:27

“Te popole o toku loto i te taimi nei. Ka vēhea ake nei au? Ka lea nei au, ‘Te Tamana, fakahao ko au mai tēnei itūlā.’? Hēai, ko tēnei tonu lava te mea na hau ai au — ke maua au i nā puapuagā i te itūlā tēnei.

Ioane 13:30

Kua talia e Iuta te mea falaoa, oi fano vave ai loa ki fafo, ma ko te taimi tēnā kua pō.

Ioane 14:30

Ka hē toe mafai ke fai atu ni aku tala ki a koutou, auā te pule o te lalolagi nei kua hau. E hē ia mafaia oi pule mai ki a te au,

Ioane 7:30

Oi taumafai ai ki lātou ke puke ia Iehu, kae e hēki i ei he tino na pa ki ei tona lima, auā ko tona taimi ko hēki pa mai.

Ioane 7:45

I te toe liliuga o nā leoleo, oi fehiligia ai ki lātou e nā ohitāulaga hili ma te kau Falehaio. Kua lea vē atu ki lātou, “He ā te hēki koutou kaumaia ai ia Iehu?”

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Efeho 6:12

Auā ko ki tātou e hē tau ma tagata, kae ko ki tātou e fakahaga tau ki nā pūlega kino fakateagaga i te lagi, ki nā tupu, nā taupulega, ma nā mālohiaga i te vāteatea o te tupulaga pōgihā tēnei.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,