Luka 22:52 - Tokelauan New Testament

⁵² Oi lea atu ai ia Iehu ki te kau ohitāulaga hili, nā leoleo o te Mālumalu, ma te kau toeaina na ōmamai ke puke ia, “Ko au nei he tino kaihohoa kua ōmamai ai koutou ma nā pelu ma nā pōvai?

Luka 22:52 ပူးပေါင်းရင်းမြစ်များ

Mataio 26:47

Ka koi tautala ia Iehu, kae pa mai ia Iuta, tētahi o te kau hoko e toka hefululua. Na ōmamai fakatahi ma he kaifenua o tagata e tokalahi ma nā pelu ma nā pōvai, na uga mai e te kau ohitāulaga hili ma te kau toeaina.

Mataio 26:55

Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Luka 22:37

Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Luka 22:4

Oi fano ai ia Iuta oi lea ki nā ohitāulaga hili fakatahi ma nā takitaki o nā leoleo o te Mālumalu, e ia mafai oi fakalata ia Iehu.

Luka 22:51

Kae kua vāgana atu ia Iehu, “Hoia loa!” Oi tago ai ki te taliga o te kaukauna ma na toe lelei ai.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

Gāluega 5:26

Na olo ai loa te takitaki o nā leoleo ma tana vāega oi toe kaumai te kau apohitolo. Kae e hēki ki lātou honafaia te kau apohitolo ona e mātataku nā ki lātou e fetogia e tagata.