Luka 22:43 - Tokelauan New Testament

⁴³ Oi fakakitea ai he agelu mai te lagi ki a Iehu, ma fakamākeke ki a te ia.

Luka 22:43 ပူးပေါင်းရင်းမြစ်များ

Mataio 26:53

E vēake koe e hē kō mafaia oi kalaga ki toku Tamana ki he fehoahoani, ma uga vave mai ai e ia ni lēkeona agelu e hili atu i te hefululua?

Mataio 4:11

Oi fano kehe ai te Tiāpolo, kae kua ōmamai nā agelu oi fehoahoani ki a Iehu.

Mataio 4:6

oi lea vē atu ai te Tiāpolo ki ei, “Kāfai koe ko te Ataliki o te Atua, oho la ki lalo, auā lea mai te tuhituhiga paia: ‘Ka fakatonu e te Atua ana agelu ke kikilagia koe; ka hapahapaia koe e ki lātou i o lātou lima, kae ke pa foki lava ki ō vae ka hē mafai ke ogohia i he fatu.’ ”

Luka 22:32

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 18:23

Na mataloa malie i kinā, oi fano ai kua kui loto i te kogāfenua o Kalatia ma Fulugia, ma fakamākeke atu ki te kau Kelihiano uma.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 1:6

Kae i te kua hāuni ka uga mai e te Atua tona Ataliki ki te lalolagi, na lea vēia, “Ko nā agelu uma a te Atua e tatau ke ifo ki a te ia.”

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.