Luka 22:38 - Tokelauan New Testament

³⁸ Kua lea atu te kau hoko, “Te Aliki, kikila, iēnei nā pelu e lua!” Oi tali atu ai ia Iehu, “Hoia loa!”

Luka 22:38 ပူးပေါင်းရင်းမြစ်များ

Mataio 26:51

Kua heki ake te pelu a hētahi nae fakatahi ma Iehu, ma ta ai e ia hētahi o kaukauna a te Ulu Ohitāulaga, ma motu ai te taliga.

Luka 22:36

Oi lea atu ai ia Iehu, “Ka ko te taimi nei la, ko te tino e i ei hana taga tupe pe he ato malaga, oi kave; ma ko te tino e hēai hana pelu, e tatau ke fakatau atu tona peleue tatao, ke maua mai ai he tupe ke fakatau ai hana pelu.

Luka 22:49

I te kitea atuga e nā hoko nae fakatahi ma Iehu te mea ka tupu, oi fehili vē atu ai, “Te Aliki, ka fakaaogā a mātou pelu?”

Ioane 18:36

Kua tali mai ia Iehu, “Ko toku mālō e hē o te lalolagi tēnei; anei toku mālō e o te lalolagi tēnei, ko aku kaukauna na tau kae ke nahe pukea ai au e nā takitaki o Iutaia. Hēai, ko toku mālō e hē o te lalolagi.”

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

1 Petelu 5:9

Ke mautū te koutou fakatuatua ma teteke ki ei, auā e koutou iloa ko nā uho Kelihiano o koutou i te lalolagi kātoa, e maua foki i nā puapuagā e vē ko koutou.