Luka 22:34 - Tokelauan New Testament

³⁴ Kua lea atu ia Iehu, “E takutino atu e au ki a te koe Petelu, ka hē vivini lele ia moa i te pō nei, heiloga koe kua fakafiti fakatolu, e hē kē iloa au.”

Luka 22:34 ပူးပေါင်းရင်းမြစ်များ

Mataio 26:34

Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini ia moa i te pō nei, ka kua fakafiti fakatolu koe, e hē kē iloa au.”

Mataio 26:74

Oi lea atu ai ia Petelu, “E tautō atu au ko te mea e lea atu ai au e moni! Ke fakahalagia au e te Atua kāfai au e hē tautala i te meamoni. E hē kō iloa te tino tēnā!” Ko te taimi lava tēnā na vivini ai te moa,

Maleko 14:30

Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini fakalua te moa i te pō nei ka kua fakafiti fakatolu koe, e hē kē iloa au.”

Luka 22:33

Kua tali atu ia Petelu, “Te Aliki, ko au kua hāuni ke olo ma koe ki te falepuipui, ma ke oti fakatahi ma koe!”

Luka 22:35

Oi fehili atu ia Iehu ki ona hoko, “I te kō uga atuga o koutou e aunoa ma he taga tupe, he ato malaga pe ni hēvae, e i ei nei he mea na fofou koutou ki ei kae e hēki koutou mauagia?” Kua tali mai ki lātou, “E hēki i ei lele he mea e fokotahi.”

Luka 22:61

Kua liliu mai te Aliki ki ona tua, oi kikila hako ki a Petelu, ma na manatua ai loa e Petelu te lea vē akega o te Aliki ki a te ia, “Ka ko hēki vivini te moa i te pō nei, ka kua fakafiti fakatolu koe e hē kē iloa au.”

Ioane 13:38

Kua tali mai ia Iehu, “Ko koe moni kua hāuni ke oti mo au? E takutino atu e au ki a te koe te meamoni: ka ko hēki vivini ia moa ka kua fakafiti fakatolu koe, e hē kē iloa au.”

Ioane 18:27

Kae kua toe fakafiti foki ia Petelu; ma i te taimi tonu lava tēnā, na vivini ai te moa.