Luka 22:32 - Tokelauan New Testament

³² Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Luka 22:32 ပူးပေါင်းရင်းမြစ်များ

Mataio 18:3

oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Mataio 26:75

ma na manatua ai loa e Petelu te kupu a Iehu na fai ake ki a te ia, “Ka ko hēki vivini te moa, ka kua fakafiti fakatolu koe e hē kē iloa au.” Oi fano ai ki fafo, kua tagi aueuē ai.

Maleko 14:72

Ko te taimi lava tēnā na vivini fakalua ai te moa, ma na manatua ai loa e Petelu te kupu a Iehu na fai ake ki a te ia, “Ka ko hēki vivini fakalua te moa ka kua fakafiti fakatolu koe e hē kē iloa au.” Oi kāmata loa kua tagi.

Maleko 16:7

Olo loa oi fai te fekau tēnei ki ona hoko ma Petelu: ‘Ko ia e muamua atu ia te koutou ki Kalilaia; ka koutou kitea ia i kinā, e vē lava ko te mea na lea atu ai ki a te koutou.’ ”

Luka 8:13

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

2 Timoteo 2:18

Kua olo kehe ki lāua ma te meamoni ma kua āfāina ai te talitonuga o iētahi, ona e lea vē ko te toetū ko he mea kua uma te fakatino.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

1 Petelu 1:1

Mai ia Petelu, he apohitolo e a Iehu Keliho — Ki nā tino kua filifilia e te Atua, e nonofo e vē ni tagata kua fakaaunukua ma e takape i nā kogāfenua o Ponitoho, Kalatia, Kapatokia, Ahia ma Pitunia.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

1 Ioane 2:19

Ko nā tino iēnei na oatu mai ia te ki tātou, kae e hē ni tino e o ki tātou; anei ake ni tino e o ki tātou, e vēnei ake koi nonofo fakatahi ma ki tātou. Kae na olo kehe kae ke manino ai e hēai he tino o ki lātou e hau mai ia te ki tātou.