Luka 22:30 - Tokelauan New Testament

³⁰ kae ke mafai ai koutou ke kakai ma inu fakatahi ma au i toku Mālō, ma nonofo i luga o nā nofoāliki, ke pūlea ai e koutou nā puikāiga e hefululua o Ihalaelu.

Luka 22:30 ပူးပေါင်းရင်းမြစ်များ

Mataio 19:28

Kua vāgana atu ia Iehu ki a te ki lātou, “E takutino atu e au ki a te koutou, i te ōlaga fou koi hau, ko te Ataliki o te Tagata ka nofo i luga o tona nofoāliki mamalu. Ma ko koutou iēnā kua mulimuli mai ki a te au, ka nonofo foki i nā nofoāliki e hefululua, ke pūlea nā puikāiga e hefululua o Ihalaelu!

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Mataio 8:11

E lea atu au ki a te koutou, e tokalahi ki lātou ka ōmamai mai hahae ma hihifo oi nonofo fakatahi ki lalo ma Apelaamo, Ihaako ma Iakopo i te kaiga lahi i te Mālō o te lagi.

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Luka 14:15

I te lagona atuga o te mea tēnei e hētahi o nā tino nae i te laulau fakatahi ma Iehu, oi lea vē atu ai ki a Iehu, “Amutia nā tino ka nonofo ki lalo oi kakai i te kaiga i te Mālō o te Atua!”

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

Fakaaliga 19:9

Oi lea mai ai te agelu ki a te au, “Tuhi te mea tēnei ki lalo: Amutia ki lātou kua uma te valakaulia ki te kaiga o te fakaipoipoga a te Punuamāmoe.” Kua toe lea mai vē te agelu, “Ko nā kupu moni iēnei a te Atua.”

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.