Luka 22:29 - Tokelauan New Testament

²⁹ ma e vē oi tuku mai e toku Tamana ki a te au te avanoa ke pule ai, ka vēnā foki oi tuku atu e au ki a te koutou te avanoa tēnā,

Luka 22:29 ပူးပေါင်းရင်းမြစ်များ

Mataio 24:47

E takutino atu e au ki a te koutou, ka tōfia ia e tona matai ke pule i ana mea uma lele.

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Mataio 5:10

Amutia nā tino e maua i nā fakahāuāga ona e fai e ki lātou te finagalo o te Atua; auā e o ki lātou te Mālō o te lagi!

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Luka 19:17

Ma kua lea atu te aliki, ‘Mālō ni, te kaukauna lelei! Ona ko koe kua fakamāoni i nā tamā mea, ka kō tōfia ai koe ke pule i nā kakai e hefulu.’

1 Kolinito 9:25

Ko nā tino fētutuli tau tokatahi uma, e koleni fakamāoni ma e pūlea i mea uma, kae ke fakapale ki lātou i te pale e fano e pala. Kae e fai e ki mātou ke maua ai e ki mātou te pale e hē pala ke pa ki te fakavavau.

2 Kolinito 1:7

Ko to mā fakamoemoe la mo koutou, e hē māluelue lele; auā e iloa e ki māua e vē ona kau fakatahi koutou i o mā puapuagā, e vēnā foki oi kau fakatahi koutou i nā fehoahoani e maua e ki māua.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.

Fakaaliga 21:14

Ko nā puipui o te kakai na fau ki luga o ni fakavae e hefulu lua, ma e tūhia i luga nā igoa o nā apohitolo e toka hefululua a te Punuamāmoe.