Luka 22:18 - Tokelauan New Testament

¹⁸ E lea atu au ki a te koutou, e kāmata atu i te aho nei, ko au ka hē toe inu lele ki te uaina tēnei, ke pa mai te Mālō o te Atua.”

Luka 22:18 ပူးပေါင်းရင်းမြစ်များ

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 26:29

E lea atu au ki a te koutou, ka hē toe inu lele au ki te uaina tēnei, heiloga kua pa ki te aho e inu ai au i te uaina fou fakatahi ma koutou, i te Mālō o toku Tamana.”

Maleko 14:23

Oi tago ai ki te ipu, kua fakafetai ki te Atua oi fōki ai ki a te ki lātou; ma na feinu uma ai ki lātou ki ei.

Maleko 14:25

E lea atu au ki a te koutou, ka hē toe inu lele au ki te uaina tēnei, heiloga kua pa ki te aho e inu ai au i te uaina fou, i te Mālō o te Atua.”

Maleko 15:23

I kinā na taumafai ai ki lātou ke fōki ki a Iehu he uaina kua palu ki ei te vai mai te lākau e igoa ko te mulo, kae e hēki inu ki ei.

Maleko 9:1

Oi toe vāgana atu ai ia Iehu ki a te ki lātou, “E takutino atu e au ki a te koutou, e i ei nā tino ka ki lātou kiteagia te Mālō o te Atua kāfai ka pa mai ma te mālohi o tana pule, ka ko hēki feoti ki lātou.”

Luka 21:31

E vēnā foki lava kāfai e koutou kitea nā mea iēnei e tutupu, ka koutou iloa ai ko te Mālō o te Atua kua tāli pa mai.

Luka 22:16

Auā e lea atu au ki a te koutou, ka hē toe kai lele au ki ei, ke pa ki tona fakatinoga kātoatoa i te Mālō o te Atua.”

Luka 9:27

Kae e lea atu au ki a te koutou, e i ei nā tino ka ki lātou kiteagia te Mālō o te Atua, ka ko hēki feoti ki lātou!”

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,