Luka 22:17 - Tokelauan New Testament

¹⁷ Oi tago ai ia Iehu ki te ipu, kua fakafetai ki te Atua, ma vāgana vē atu ai, “Kavatu te ipu tēnei oi feinu uma koutou ki ei.

Luka 22:17 ပူးပေါင်းရင်းမြစ်များ

Mataio 14:19

Oi fakatonu ai e ia nā tino ke nonofo ki luga o te mutia; oi tago ai ki nā falaoa e lima ma nā ika e lua, kua tepa ake ki te lagi, ma fakafetai ki te Atua. Kua tavaevae e ia nā falaoa ma fōki ki ona hoko ke tufatufa ki tagata.

Mataio 15:36

Oi tago ai ki nā falaoa e fitu ma nā ika, kua fakafetai ki te Atua, oi tavaevae ai e ia ma foki ki ona hoko; oi fakahoa ai e te kau hoko ki te kaifenua.

Mataio 26:26

Ka koi kakai ki lātou, oi tago ai ia Iehu ki te falaoa, kua fakafetai ki te Atua, oi tavaevae ai ma fōki ki ona hoko ma vāgana atu ki ei, “Puke mai ma kakai ki ei. Ko toku tino tēnei.”

Maleko 14:22

Ka koi kakai ki lātou, oi tago ai ia Iehu ki te falaoa, kua fakafetai ki te Atua, oi tavaevae ai ma fōki ki ona hoko ma vāgana atu ki ei, “Puke mai ki ei, ko toku tino tēnei.”

Luka 22:19

Oi tago ai ki te falaoa, kua fakafetai ki te Atua, oi tavaevae ai ma fōki ki te kau apohitolo, ma lea vē atu, “Ko toku tino tēnei, kua fōki atu mo koutou. Fai te mea tēnei e koutou, ke fai ma fakamanatuga ki a te au.”

Luka 9:16

oi puke atu ai ia Iehu ki nā falaoa e lima ma te luagamata ika. Kua kikila ake ki te lagi ma fakafetai ki te Atua, oi tavaevae ai ma fōki ki te kau hoko ke tufatufa ki nā tino.

Loma 14:6

Ko nā tino e fakatāua atu e ki lātou he aho e fokotahi, e fai e ki lātou ke vīkia ai te Aliki; ko nā tino e kakai ki ho he mea, e fai e ki lātou ke vīkia ai te Aliki, auā e kavatu e ki lātou te fakafetai ki te Atua mo nā meakai. Ko nā tino e hē kakai ki he itūkāigā meakai, e fai e ki lātou ke vīkia ai te Aliki, ma e kavatu e ki lātou te fakafetai ki te Atua.

1 Kolinito 10:16

Kāfai ki tātou e inu ki te ipu o te Fakamanatuga tēia e lea ki tātou ki te Atua ke fakamanuia, e hē ko te inu fakatahi nei tēnā o ki tātou ki te toto o Keliho? Kāfai ki tātou e kakai ki te falaoa e tavaevae e ki tātou, e hē ko te kakai fakatahi nei tēnā o ki tātou ki te tino o Keliho?

1 Kolinito 11:23

Auā ko nā akoakoga na kō kavatua ki a te koutou, na tuku mai e te Aliki ki a te au: i te pō na fakalata ai te Aliki ko Iehu, na tago ai ki he falaoa,