Luka 22:16 - Tokelauan New Testament

¹⁶ Auā e lea atu au ki a te koutou, ka hē toe kai lele au ki ei, ke pa ki tona fakatinoga kātoatoa i te Mālō o te Atua.”

Luka 22:16 ပူးပေါင်းရင်းမြစ်များ

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Luka 14:15

I te lagona atuga o te mea tēnei e hētahi o nā tino nae i te laulau fakatahi ma Iehu, oi lea vē atu ai ki a Iehu, “Amutia nā tino ka nonofo ki lalo oi kakai i te kaiga i te Mālō o te Atua!”

Luka 22:15

Kua vāgana atu ia Iehu ki a te ki lātou, “Ko au kua fofou lahi lele ke kakai fakatahi ki tātou i te kaiga tēnei o te Pāheka, ka ko hēki pa mai oku puapuagā!

Luka 22:18

E lea atu au ki a te koutou, e kāmata atu i te aho nei, ko au ka hē toe inu lele ki te uaina tēnei, ke pa mai te Mālō o te Atua.”

Luka 22:30

kae ke mafai ai koutou ke kakai ma inu fakatahi ma au i toku Mālō, ma nonofo i luga o nā nofoāliki, ke pūlea ai e koutou nā puikāiga e hefululua o Ihalaelu.

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Gāluega 10:41

e hē ki tagata uma, kae ki a te ki mātou oioti kua uma te filifilia e te Atua, ki mātou iēnei na kakai ma inu fakatahi ma Iehu talu tona toetū mai te oti.

Fakaaliga 19:9

Oi lea mai ai te agelu ki a te au, “Tuhi te mea tēnei ki lalo: Amutia ki lātou kua uma te valakaulia ki te kaiga o te fakaipoipoga a te Punuamāmoe.” Kua toe lea mai vē te agelu, “Ko nā kupu moni iēnei a te Atua.”