Luka 22:15 - Tokelauan New Testament

¹⁵ Kua vāgana atu ia Iehu ki a te ki lātou, “Ko au kua fofou lahi lele ke kakai fakatahi ki tātou i te kaiga tēnei o te Pāheka, ka ko hēki pa mai oku puapuagā!

Luka 22:15 ပူးပေါင်းရင်းမြစ်များ

Luka 12:50

E i ei te papatihoga e papatiho ai au, ma ka popole pea lava toku loto ke pa ki te taimi e fakataunuku ai!

Luka 22:14

Kua pa ki te taimi o te kaiga, oi nofo ai ki lalo ia Iehu i te laulau fakatahi ma te kau apohitolo.

Luka 22:16

Auā e lea atu au ki a te koutou, ka hē toe kai lele au ki ei, ke pa ki tona fakatinoga kātoatoa i te Mālō o te Atua.”

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.