Luka 22:13 - Tokelauan New Testament

¹³ Oi olo ai ki lāua, ma na ki lā maua atu nā mea uma lele e vē lava ona lea ake ai ia Iehu; ma na hāuni ai loa e ki lāua te kaiga o te Pāheka.

Luka 22:13 ပူးပေါင်းရင်းမြစ်များ

Luka 19:32

Oi olo ai te toka lua, ma na maua atu e ki lāua nā mea uma lele e vē lava ko te lea akega o Iehu.

Luka 21:33

E mou kehe atu te lagi ma te lalolagi, ka ko aku kupu e tūmau pea lava.

Luka 22:12

Ka fakahino atu e ia ki a te koulua he potu lahi i te falealuga, kua i ei nā meāfale, ma tapena ai e koulua i kinā nā mea uma.”

Luka 22:14

Kua pa ki te taimi o te kaiga, oi nofo ai ki lalo ia Iehu i te laulau fakatahi ma te kau apohitolo.

Ioane 11:40

Kua lea atu ia Iehu ki a Mafa, “E hēki lea atu au e mafai ke kitea e koe te mana o te Atua, kāfai koe e talitonu?”

Ioane 2:5

Oi lea ai te mātua o Iehu ki nā kaukauna nae ki lātou fakahoahoa te uaina, kua vē atu, “Ho he mea lava e lea atu ia Iehu ke fai, oi fai.”

Epelu 11:8

Ko te fakatuatua o Apelaamo te na mafai ai ke uhitaki ki te Atua i te kalagaga ki ei o te Atua ke fano ki te fenua kua uma te ia folafolagia mo ia. Na tukua e ia tona lava fenua kae fano ki he mea e hē ia iloa pe ko fea.