Luka 21:8 - Tokelauan New Testament

⁸ Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Luka 21:8 ပူးပေါင်းရင်းမြစ်များ

Mataio 24:11

E tokalahi foki nā pelofeta pepelo ka huhula mai ma pelogia e ki lātou te tokalahi o tagata.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 4:17

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā kua pili mai te Mālō o te lagi.”

Luka 17:23

Kāfai e lea vē atu nā tino ki a te koutou, ‘Kikila, tēnei!’ pe, ‘Kikila, tēnā!’ Koutou nahe olo oi mulimuli ki ei.

Luka 21:7

Kua fehili atu ona hoko, “Te Faiakoga, ko āfea te fakataunuku ai te mea tēnei, ma ko he ā foki he fakailoga ke iloa ai e ki mātou kua tāli pa ki te taimi e fakataunuku ai?”

Luka 21:9

Ma kāfai e lagona e koutou nā fakamatalaga e uiga ki nā taua ma nā vevehiga lahi, koutou nahe mātataku; ko nā mea iēnei e tatau lava ke tutupu, kae e hē vēake ai la ko te ikuga kua tāli pa mai.”

Ioane 5:43

E hau au ma te pule a toku Tamana, kae hē koutou talia au; kae kāfai hētahi tino e hau i tana lava pule, e talia e koutou.

Ioane 8:24

Ko te mea ia na lea atu ai au, ko koutou ka feoti ma autou agahala. Ma ka feoti koutou ma autou agahala kāfai koutou e hē talitonu ‘Ko Au Ko Au Lava Au.’ ”

Ioane 8:28

Oi vāgana atu ai ia Iehu ki a te ki lātou, “Kāfai e koutou hiki akea te Ataliki o te Tagata, ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

2 Tehalonia 2:3

Nahe fakatagagia lele e koutou he tino ke ia fakahehēa koutou i ho he mea. Auā ko te Aho ka hē pa mai heiloga kua taunuku te fou a tagata ki te Atua ma hula mai te Tino Kino, tē e iku lava ki heoli.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

2 Ioane 1:7

Kua tokalahi ia tagata fakahehē kua olo ki itū uma o te lalolagi, ni tino e hē talitonu ko Iehu Keliho na hau ko he tagata ola. Ko nā tino vēnā e tau fakahehē ma e teteke ki a Keliho.

Fakaaliga 1:3

Amutia te tino e faitau leo lahi e ia te tuhi tēnei, ma amutia nā tino e lagona e ki lātou tēnei vāloaga ma mulimuli ki nā mea kua tūhiagia! Auā kua pili mai te taimi e tutupu ai nā mea uma iēnei.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.