Luka 21:7 - Tokelauan New Testament

⁷ Kua fehili atu ona hoko, “Te Faiakoga, ko āfea te fakataunuku ai te mea tēnei, ma ko he ā foki he fakailoga ke iloa ai e ki mātou kua tāli pa ki te taimi e fakataunuku ai?”

Luka 21:7 ပူးပေါင်းရင်းမြစ်များ

Mataio 24:3

E nofo ia Iehu i luga o te Mauga o Ōlive, kae ōmai ki a te ia nā hoko o ia nā ko ki lātou, ma fehili vē atu ki a te ia, “Taku mai ake ki a te ki mātou pe ko āfea te ka fakataunuku ai te mea tēnei, ma pe he ā foki he fakailoga ke iloa ai e ki mātou te taimi e haele mai ai koe, ma te taimi e uma ai te ōlaga tēnei?”

Maleko 13:14

“Ka kitea e koutou ‘Te Mea Matakutia te Kino ma te Inohia’ e fakatū i te mea e hē tatau ke i ei ai.” (Ke mālamalama te tino faitau ki te uiga o te mea tēnei!) “Ko koutou la e nonofo i Iutea, e tatau ke hōhola ki luga o nā mauga.

Luka 21:32

“E takutino atu e au ki a te koutou, ko nā mea uma iēnei e tutupu ka ko hēki feoti uma nā tino o te tupulaga tēnei.

Luka 21:6

“Ko nā mea uma iēnei e koutou kitea atu — e hau te taimi ka hē toe i ei he fatu e fokotahi e tū i luga o hētahi fatu; ko nā fatu takitahi uma lele ka togi kehe uma ki lalo.”

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.