Luka 21:25 - Tokelauan New Testament

²⁵ “Ka i ei nā fakailoga e hē māhani ai, ka kitea ki te la, te māhina ma nā fetu. Ka fakatumulia ia mālō o te lalolagi i te popole ma te atuatuvale i te hou o te moana ma te tāgulu o nā galu.

Luka 21:25 ပူးပေါင်းရင်းမြစ်များ

Mataio 24:29

“E uma atu loa nā fakahāuāga o nā aho iēnā, oi gaholo loa e pōuli te la, ka hē toe huhulu te māhina, ka pakukū ia fetu mai te lagi, ma ko nā mālohiaga o te vāteatea, ka lūlū kehe mai o lātou alāvaka tūmau.

Mataio 27:45

Kua ta te itūlā e hefululua i te aoauli, oi pōulitia uma ai te lau fenua kātoa ke pa ki te tolu i te afiafi.

Maleko 13:24

“I nā aho kāfai ka uma nā fakahāuāga, ka gaholo loa e pōuli te la, ka hē toe huhulu te māhina,

Maleko 13:26

Ma ka kitea atu te Ataliki o te Tagata e haele mai i nā ao, ma te mana, ma te mamalu hilihili kehe.

Maleko 15:33

Kua ta te itūlā e hefululua i te aoauli, oi pōulitia uma ai te lau fenua kātoa ke pa ki te tolu i te afiafi.

Luka 21:24

Ko iētahi tino ka tāmate i te pelu, ka ko iētahi ka kave fakapagotā ki atunuku uma; ma ko Ieluhalema ka holi ki lalo i vae o tagata nukukehe, ke pa lava ki te aho e uma ai te lātou pule.

Luka 21:26

Ka faimatapogia ia tagata i te mātataku ma te fakaatu ki te mea ka pa ki ei te lalolagi kātoa, ona ko nā mālohiaga o te vāteatea ka lūlū kehe mai o lātou alāvaka tūmau.

Gāluega 2:19

Ka kō faia ni vāvega i te lagi i luga, ma ni fakailoga i te lalolagi i lalo. Ka i ei te toto, te afi, ma te ahu māfiafia;

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.