Luka 20:47 - Tokelauan New Testament

⁴⁷ e fakavalea e ki lātou nā fafine kua oti a lātou āvaga, ma kaihohoa o lātou fale; e fakaloloa a lātou tatalo kae ke ofo ai ia tagata. Ka hili lele atu ai lava te mamafa o te lātou fakahalaga!”

Luka 20:47 ပူးပေါင်းရင်းမြစ်များ

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Maleko 12:40

E fakavalea e ki lātou nā fafine kua oti a lātou āvaga ma kaihohoa a lātou mea uma, ma e fakaloloa a lātou tatalo ka ke ōfo ai ia tagata. Kae ka hili atu te pakia o ki lātou i te mamafa o te fakahalaga ka pa ki ei!”

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Luka 20:46

“Koutou lava ke fakaeteete i nā faiakoga o te Tūlāfono. E fiafia oi eva i o lātou kofuloloa ma fofou ke fakafeiloaki ake ki lātou e tagata i te māketi; e filifili e ki lātou nā nofoa fakapitoa i nā hūnako ma nā nofoa tāua i nā kaiga lalahi mo ki lātou;

Luka 21:1

Ko Iehu nae i te Mālumalu, oi kitea atu ai e ia nā tino maukoloa, e tuku a lātou tāulaga ki loto o te puha tupe mo nā tāulaga mo te Mālumalu.

1 Tehalonia 2:5

E iloa lelei lava e koutou ko ki mātou e hēki oatu ma ni tala ke fakafāfifia ai koutou, ma e hēki ki mātou fakaaogāgia foki ni fakakupuga kae ke vēake ai koutou ko a mātou gāluega e lelei — ko te Atua ko ta mātou molimau!

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Iakopo 3:1

Te kau uho, e hē tatau ke tokalahi ni tino o koutou e fai ma faiakoga. E vē ona koutou iloa, ko ki mātou nā faiakoga, ka hili atu te mamafa o te fakamahinoga o ki mātou tau tokatahi e fai e Atua, i lo iētahi tino.