Luka 20:38 - Tokelauan New Testament

³⁸ Ko ia ko te Atua o tagata ola, kae hē o tagata oti, auā ki a te ia, ko ki lātou uma ni tino e ola.”

Luka 20:38 ပူးပေါင်းရင်းမြစ်များ

Mataio 22:32

‘Ko au ko te Atua o Apelaamo, te Atua o Ihaako, ma te Atua o Iakopo.’ Ko ia ko te Atua o tagata ola kae hē o tagata oti.”

Maleko 12:27

Ko ia ko te Atua o tagata ola, kae hē o tagata oti. Ko koutou e hehē lele!”

Luka 20:39

Kua lea vē mai iētahi faiakoga o te Tūlāfono, “Te Faiakoga, kai te lelei o tau tali!”

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Ioane 6:57

Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au.

2 Kolinito 13:4

Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Fakaaliga 22:1

Na fakaali mai foki e te agelu ki a te au te vaitafe o te vai o te ola, e pāgilagila e vē ko he tioata, ma e tafe mai i te nofoāliki o te Atua ma o te Punuamāmoe,