Luka 20:36 - Tokelauan New Testament

³⁶ Ka vē ki lātou ko agelu, ma e hē toe oti. Ko ki lātou ko nā fānau ia a te Atua, auā kua toe tutū mai te oti.

Luka 20:36 ပူးပေါင်းရင်းမြစ်များ

Mataio 22:30

Auā kāfai nā tino oti e toe tutū mai te oti, ka vē ki lātou ko nā agelu i te lagi ma ka hē fakaipoipo ki lātou.

Maleko 12:25

Auā kāfai nā tino oti e toe tutū mai te oti, ka vē ki lātou ko nā agelu i te lagi ma ka hē fakaipoipo ki lātou.

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

1 Kolinito 15:26

Ko te fili mulimuli ka fakatōkilalo, ko te oti.

1 Kolinito 15:42

E vēnei la te mea ka pa ki ei kāfai nā tino oti e toe tutū mai i te oti. Kāfai te tino e tanu e fano e pala, kāfai e toe fakatū mai i te oti, e hē toe pala.

1 Kolinito 15:49

E vē ona fōliga ki tātou ki te tino na gaohia i te kelekele, ke vēnā foki ona fōliga ki tātou ki tē na fanaifo mai te lagi.

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Fakaaliga 20:6

Ko nā tino iēnei kua fakamanuiagia ma e paia. E hēai he pule a te oti tona lua ki a te ki lātou. Ka fai ki lātou ma ohitāulaga a te Atua ma a Keliho, ma ka pule fakatupu ki lātou fakatahi ma ia mo he afe tauhaga.

Fakaaliga 21:4

Ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”

Fakaaliga 22:9

Kae kua lea vē mai ia ki te au, “Nahe kē faia te mea tēnā! Ko au ko he hoa kaukauna e vē foki lava ko koe ma nā uho o koe te kau pelofeta, ma ki lātou uma e uhitaki ki nā kupu i loto o te tuhi. Ifo ki te Atua!”