Luka 20:24 - Tokelauan New Testament

²⁴ “Fakahino mai ake he tupe hiliva ki a te au. E o ai te ata ma te igoa e tuhi ai?” Kua tali mai ki lātou, “E o Kaihala.”

Luka 20:24 ပူးပေါင်းရင်းမြစ်များ

Mataio 18:28

“Oi fanatu ai te kaukauna tēnei, kua fetaui ma tona hoā kaukauna e nofo kaitālafu ake ki a te ia i he helau tupe hiliva. Kua tago atu oi tāofi mai tona hoā kaukauna ma kāmata titina te ua ma lea vē atu ki ei, ‘Totogi mai nei lava taku tupe e kaitālafu e koe!’

Mataio 20:2

I te mauaga o he māliliega fakatahi ma nā tino faigāluega ke ia totōgia ki lātou i te totogi māhani, e tahi te tupe hiliva i te aho, oi uga ai e ia ke gālulue i tona tōvine.

Mataio 22:20

oi fehili atu ai ia Iehu ki a te ki lātou, “E o ai te ata ma te igoa e tuhi ai?”

Maleko 12:16

Kua fōki e ki lātou te tupe hiliva ki a Iehu, oi fehili atu ai ia Iehu, “E o ai te ata ma te igoa e tuhi ai?” Kua tali mai ki lātou, “E o Kaihala.”

Luka 2:1

Ko nā aho lava iēnā, na fai ai te fakatonuga a te Kaihala Aukuho, ke fai he tuhigāigoa a tagata uma o te lalolagi, e i lalo o te pūlega a Loma.

Luka 20:22

Lea mai ake, e fakataga i te tātou Tūlāfono ke totogi e ki tātou nā lāfoga ki a Kaihala pe hēai?”

Luka 20:23

Kae kua hāfia e Iehu te lātou togafiti, oi lea vē atu ai ki ei,

Luka 20:25

Oi lea atu ia Iehu, “Fakafoki lava la ia mea a Kaihala ki a Kaihala, ma fakafoki ia mea a te Atua ki te Atua.”

Luka 23:2

ma ko kinā na kāmata ai oi mōlia e ki lātou ia Iehu ki a Pilato. Kua lea vē atu ki lātou, “Na maua e ki mātou te tino tēnei, e fakahehē e ia o mātou tagata. Na lea ki ei ke nahe totōgia a lātou lāfoga ki a Kaihala, ma ko ia ko te Mehia, ko he tupu.”

Luka 3:1

I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

Gāluega 26:32

Oi lea vē atu ai ia Akalipa ki a Fehetone, “Anei ake e hēki fakatagi te tagata tēnei ke fai tona fakamahinoga e Kaihala, moinei ake kua tatala fakahaoloto.”

Filipi 4:22

E fakafeiloaki atu foki nā tino uma o te Atua i kinei, kae maihe lava ki lātou e i te fale o Kaihala.