Luka 2:7 - Tokelauan New Testament

⁷ ma na fānau mai ai e ia tana ulumatua, ko he tama. Na āfīfī e ia te pepe i ni meakie, oi fakatakoto ai ki loto o he kumete fāgaimanu, auā kua hē maua ho lātou avanoa i te fale talimālō.

Luka 2:7 ပူးပေါင်းရင်းမြစ်များ

Mataio 1:25

Kae ko hēki uhu ia Iohefa ki a Malia, kae kua fānau e Malia he ataliki; oi fakaigoa ai e Iohefa ki a Iehu.

Mataio 13:55

E hē ko ia tēnei te ataliki o te kāmuta? E hē ko Malia nei tona mātua? E hē ni uho nei e o ia ia Iakopo, Iohefa, Himona ma Iuta?

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Luka 10:34

Oi fano ai ki ei oi liligi nā lolo ma te uaina ki nā manuka o te tamāloa ma fuhi; oi fakatiketike ai ki luga o te manu nae tiketike ai ia, ma kave ki he fale talimālō, ma tauhi ai e ia i kinā.

Luka 2:6

Ka koi i Peteleema ki lāua kae fakatīgā ia Malia,

Luka 2:8

Nae i te kogāfenua foki tēnā ni leoleomāmoe, nae taukikila a lātou māmoe i te vao, i te pō tēnā.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,