Luka 2:49 - Tokelauan New Testament

⁴⁹ Ka kua vē atu ki ei tana tali, “He ā te na hakili ai au e koulua? E hē koulua iloa ko au e tatau ke i te fale o toku Tamana?”

Luka 2:49 ပူးပေါင်းရင်းမြစ်များ

Mataio 21:12

Oi fano ai ia Iehu ki loto o te Mālumalu ma tuli uma ki fafo nā tino nae fai a lātou fefakatauakiga koloa i loto. Kua tafuli ki lalo e ia nā laulau a nā tino huitupe, ma nā nofoa o nā tino fakatau lupe.

Luka 2:48

Na ofo lele foki ona mātua i te ki lā kiteaga o Iehu, oi lea vē atu ai tona mātua ki ei, “Taku tama, he ā te kua fai ai e koe te mea tēnei ki a te ki māua? Kikila, ko koe nae hakili e ki māua ma tō tamana, ma ko ki māua na popole lele.”

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 5:17

Kae kua tali atu ia Iehu ki a te ki lātou, “Ko toku Tamana e galue pea lava, ma ko au foki la e tatau lava ke galue.”

Ioane 5:36

Kae e i ei te molimau e uiga kia te au e hili atu i lo te molimau na fai e Ioane: ko nā mea e fai e au, pe ko nā gāluega na tuku mai e toku Tamana ki a te au ke fai, e molimau ki a te au ma fakailoa ai ko te Tamana te na ia uga maia au.

Ioane 6:38

auā ko au e hēki fanaifo mai te lagi ke fai te mea e loto au ki ei, kae ke fakataunuku te finagalo o tē na ia uga maia au.

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Ioane 9:4

E tatau ke fai pea lava e ki tātou te gāluega a tē na ia uga maia au meamanū koi ao; e pa mai loa te pō, e hēai he tino e mafai ke galue.