Luka 2:47 - Tokelauan New Testament

⁴⁷ Na tēteki lele nā tino uma na fakalogo ki fakamatalaga a Iehu, ona ko te poto o ana tali.

Luka 2:47 ပူးပေါင်းရင်းမြစ်များ

Mataio 13:54

kua toe foki ki tona nuku. Na akoako e ia ia tagata i loto o nā hūnako, oi na ofo lele ai ki lātou uma na fakalogo ki ei ma fehili ai vē, “Ko fea nei te na maua mai ai e te tagata nei tēnei poto? Na mafai vēhea foki e ia oi fai nā vāvega?

Mataio 22:33

I te lagonaga e te kaifenua te mea tēnei, oi na ofo lahi lele ai ki lātou ki ana akoakoga.

Mataio 7:28

I te umaga o te vāgana atu o Iehu i nā mea iēnei, na ofo lele te kaifenua ki te faiga o ana akoakoga.

Maleko 1:22

Na ofo lele ki lātou ki te faiga o ana akoakoga, ona e vē ko he tino kua ia te ia te pule, kae kua he vē ko nā faiakoga o te Tūlāfono.

Maleko 11:18

I te lagonaga e nā ohitāulaga hili ma nā faiakoga o te Tūlāfono te mea tēnei, oi kāmata ai kua tau hakili e ki lātou he auala ke tāmate ai ia Iehu. Kua mātataku ki lātou ia Iehu, ona ko te kaifenua kua ofo uma lele ki ana akoakoga.

Maleko 6:2

Kua pa ki te Hāpati oi kāmata ai kua akoako atu ia Iehu i te hūnako. Nae tokalahi nā tino nae i ei; i te ki lātou lagonaga o nā akoakoga a Iehu, na taufai ofo uma ma fehili vē, “Ko fea nei te na maua mai ai e te tagata nei iēnei mea uma? He poto vēhea tēnei kua ia mauagia? E vēhea nei te faiga o ana vāvega?

Luka 2:18

Ko nā tino uma lele na fakalogo ki ei, na ofo lele ki te mea na lea ake ai nā leoleomāmoe.

Luka 2:46

Ko tona tolu o aho na maua ai e ki lāua ia Iehu i te Mālumalu, e nofo i te mea e i ei nā faiakoga, e fakalogologo ki ei, ma fai ki ei ana fehili.

Luka 4:22

Na fiafia lahi ki lātou uma, ma ofo lele ki te lelei o ana fakakupuga nae tautala ai. Kua vē ake te lātou kupu, “E hē ko ia tēnei te ataliki o Iohefa?”

Luka 4:32

Na ofo lele nā tino ki te faiga o ana akoakoga, ona nae tautala ma te pule.

Ioane 7:15

Na ofo lele nā takitaki o Iutaia ma lea vē, “E vēhea ona iloa e te tagata nei te lahi o nā mea iēnei, kae ko he tino e hēki pa lele ki ni akoakoga?”

Ioane 7:46

Kua tali mai nā leoleo, “E hēki i ei lele he tino na kua tautala e vē ko te tino tēnei!”