Luka 2:36 - Tokelauan New Testament

^36-37 Nae i ei he pelofeta fafine matua lele e igoa ki a Anā, te afafine o Fanouele o te puikāiga o Ahela. E fitu oioti ia tauhaga na nofotāne ai, ma kua valuhefulu fa nei ona tauhaga. Kua hē fano kehe lele ma te Mālumalu; e tatalo ma tāpuaki ki te Atua i te pō ma te ao, ma fakalāina.

Luka 2:36 ပူးပေါင်းရင်းမြစ်များ

Luka 2:35

kae ke fakailoa ai o lātou manatunatuga lilo — ma ko te fakanoanoa e vē he pelu kakaha, ka tuia ai lava tō loto.”

Luka 2:38

Ko te taimi tonu foki lava tēnā na taunuku atu ai te pelofeta fafine tēnei ki te Mālumalu, ma kāmata oi viviki ake ki te Atua ma fakailoa atu e uiga ki te pepe, kinā tino nae fakatalitali ki te Atua ke ia fakahaolotoa ia Ieluhalema.

Gāluega 2:18

Io, ke pa foki lava ki aku kaukauna, nā taulelea ma nā fafine, ka kō liligia ki o lātou luga toku Agaga i nā aho iēnā, ma ka ki lātou tālakia taku fekau.

Gāluega 21:9

E toka fa ona afafine ko hēki fakaipoipo, nae folafola e ki lātou te fekau a te Atua.

1 Kolinito 11:5

Ma ho he fafine e tatalo pe ia folafolagia te fekau a te Atua i he tāpuakiga kae hē tataoa tona ulu, kua takuvalea e ia tona ulu, ko tana tāne tēnā; e hēai he mea e kehe ai ia ma he fafine kua tafi tula tona ulu.

1 Kolinito 12:1

E tuha ai ma te mea na tuhi mai ai koutou e uiga kinā meaalofa mai te Agaga Paia. Te kau uho, ko au e fofou ke iloa e koutou te meamoni e uiga kinā mea iēnei.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

1 Timoteo 5:9

Nahe tuhia te igoa o he fafine kua oti tana āvaga ki te lihi o nā fafine kua oti a lātou āvaga, vaganā kua hili atu ona tauhaga i te onohefulu. E hē gata i tēnā, e tatau ko he fafine na fakaipoipo fakafokotahi oioti,