Luka 2:34 - Tokelauan New Testament

³⁴ Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Luka 2:34 ပူးပေါင်းရင်းမြစ်များ

Mataio 11:19

I te hauga o te Ataliki o te Tagata, nae kai ma inu ki te uaina, oi lea vē ai nā tino, ‘Kikila ki te tagata tēnei! E kai fakaatuatuvale ma konā i te uaina, he uō e a nā aolāfoga ma iētahi tino inohia!’ Ka ko te poto o te Atua e fakaalia te moni, i ana gāluega.”

Mataio 12:46

Koi tautala ia Iehu ki nā tino kae taunuku mai tona mātua ma ona uho. Kua tutū atu ki lātou i fafo kae kave te lātou faifekau ki a Iehu ko ki lātou e fia faitala ake ki a te ia.

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Luka 2:35

kae ke fakailoa ai o lātou manatunatuga lilo — ma ko te fakanoanoa e vē he pelu kakaha, ka tuia ai lava tō loto.”

Ioane 3:20

Ko nā tino e faia nā mea e kino, e inoino ki te mālamalama ma e hē mafai ke ōmamai ki te mālamalama, auā e hē fofou ke kitea a lātou āmio kino.

Ioane 5:18

Ko te kupu iēnei a Iehu na ātili ai lava te fia tāmate ki ei o nā takitaki o Iutaia. Ona kua hē gata i te ia holia o te Hāpati, kae kua lea foki ko tona Tamana ko te Atua, ma ia fakatutuhagia ia ma te Atua.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 17:6

Kae e hēki maua e ki lātou te toka lua ki kinā, ma ko te mea ia na toho ai e ki lātou ia Iahona ma iētahi tino kua talitonu ma kave ki mua o te taupulega ma taufōlulua vē, “Ko nā tino iēnei kua ki lātou fakatupuagia te vevehi i ho he koga e olo ki ei! Nei, kua ōmamai ki to tātou kakai,

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Gāluega 4:26

Ko nā tupu o te lalolagi kua hāuniuni ma kua fakamāopoopo fakatahi ia takitaki, ke teteke ki te Aliki te Atua ma tē kua ia fakaukuagia ma Mehia.’

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Loma 9:32

Aiheā? Auā nae hē fakalagolago ki te fakatuatua kae nae fakalagolago ki a lātou mea nae fai. Ma ko te mea ia nae tūinoino ai i te “fatu fakatulave”

1 Kolinito 1:23

Kae ko ki mātou, e ki mātou tālakia ko Keliho na fakahātaulo. He fekau tēnei e feita ki ei ia tagata Iutaia ma lea ia tagata nukukehe e valea;

Epelu 7:1

Ko te Melekiheteka tēnei nae fai ma tupu o Halema ma ko he ohitāulaga e a te Atua Hilihilikehe. I te foki ifoga o Apelaamo mai te taua na fakatōkilalo ai e ia nā tupu e toka fa, na fakafetaui ki ei ia Melekiheteka ma tuku atu ki ei tana fakamanuiaga;

Epelu 7:7

E mautinoa lelei lava, e hili atu te tāua o te tino e ia faia te fakamanuiaga i lo te tino e fakamanuia.

1 Petelu 4:14

Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.