Luka 2:27 - Tokelauan New Testament

²⁷ Kua tataki ia Himeona e te Agaga Paia, ma ulu atu ai ki loto o te Mālumalu; ma i te kaumaiga o te pepe ko Iehu e nā mātua ki loto o te Mālumalu, ke fai mo ia nā mea māhani e tuha ai ma te Tūlāfono,

Luka 2:27 ပူးပေါင်းရင်းမြစ်များ

Mataio 4:1

Oi tataki ai ia Iehu e te Agaga ki te vao ke fakaohooho e te Tiāpolo.

Luka 2:22

Kua pa ki te aho e fakatino ai e Iohefa ma Malia te hāuniga tau ki te fakamamāgia e vē ona fakatonu mai e te Tūlāfono a Mohe. Oi kave e ki lāua te pepe ki Ieluhalema, ke tuku atu ke fakapaia i mua o te Aliki,

Luka 2:28

oi puke atu ai ia Himeona ki te pepe, kua hiki i ona lima, ma fakafetai ki te Atua:

Luka 2:41

I tauhaga uma, ko nā mātua o Iehu e olo ki Ieluhalema, mo te Kaiga Fakamanatu o te Pāheka.

Luka 2:48

Na ofo lele foki ona mātua i te ki lā kiteaga o Iehu, oi lea vē atu ai tona mātua ki ei, “Taku tama, he ā te kua fai ai e koe te mea tēnei ki a te ki māua? Kikila, ko koe nae hakili e ki māua ma tō tamana, ma ko ki māua na popole lele.”

Luka 2:51

Oi olo fakatahi ai ia Iehu ma ona mātua ki Nahaleta, ma nae uhitaki lele ki a te ki lāua. Na teu i te loto o tona mātua nā mea uma iēnei.

Luka 4:1

Kua toe foki ifo ia Iehu mai te Iolitana, ma kua fakatumulia i te Agaga Paia; oi tataki ai e te Agaga ki te vao,

Gāluega 10:19

Koi tau māfaufau lava ia Petelu pe ko he ā te uiga o te fakaaliga, kae vāgana mai ki ei te Agaga Paia, “Kikila, e toka tolu ia taulelea e ki lātou hakilia koe.

Gāluega 11:12

Ma na lea mai te Agaga Paia ki a te au ko au nahe fakalotolotolua kae olo loa ma nā taulelea. Na olo fakatahi ki mātou ki Kaihaleia ma ni tino kua talitonu e toka ono mai Iopa, ma na olo uma foki ki mātou ki te fale o Konelio.

Gāluega 16:7

I te taunuku atuga o ki lātou ki Muhiana, oi taumafai ai ke olo ki te itūmālō o Pitunia, kae e hēki fakatagagia ki lātou e te Agaga o Iehu, ke olo ki ei.

Gāluega 8:29

Kua vāgana atu te Agaga Paia ki a Filipo, “Fano ke pili koe ki te tāvale holofanua.”

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.

Fakaaliga 17:3

Na ulufia au e te Agaga, oi kave ai au e te agelu ki te vao. I kinā na kō kitea ai he fafine e nofo i luga o he manu fekai lanu kukula mālohi, e tūhia i tona tino kātoa na igoa kino e fāifāi ki te Atua; e fitu ia ulu o te manu fekai ma hefulu ona nifo hua.