Luka 2:20 - Tokelauan New Testament

²⁰ Oi toe fōki ai nā leoleomāmoe ma pepehe i nā vīkiga o te Atua, ona ko nā mea uma lele na fakalogo ma kikila ki lātou ki ei, e vē lava oi lea ake ai te agelu.

Luka 2:20 ပူးပေါင်းရင်းမြစ်များ

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Maleko 1:7

Ma nae folafola vēnei atu e ia ki tagata, “E mulimuli mai ia te au he tino e hilihili lele atu tona mamalu i lo au. E hē aogā au ke punou ifo ki lalo oi tatala ona hēvae.

Luka 18:43

Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”