Luka 2:14 - Tokelauan New Testament

¹⁴ “Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Luka 2:14 ပူးပေါင်းရင်းမြစ်များ

Mataio 21:9

Ko te kaifenua nae havavali i mua o Iehu, ma ki lātou nae mulimuli mai i ona tua, kua taufai kālalaga, “Ke vīkia te Ataliki o Tavita! Ke fakamanuia e te Atua ki tē e hau i te igoa o te Aliki. Ke vīkia te Atua!”

Luka 1:79

ma fakahuhulu ifo mai te lagi ki luga o nā tino uma e nonofo i te pōuli o te ata o te oti, ke takitaki ai o tātou vae ki te auala o te fīlēmū.”

Luka 19:38

“Ke fakamanuia e te Atua te tupu e hau i te igoa o te Aliki! Ke i ei te fīlēmū i te lagi ma ke vīkia te Atua!”

Luka 2:13

Kae teki lava kua i ei fakatahi ma te agelu, he vāega agelu tokalahi mai te lagi, e pepehe i nā vīkiga ki te Atua:

Luka 2:15

I te toe fokiga o nā agelu ki te lagi, oi fakataufai ai nā leoleomāmoe, kua lea vē tētahi ki tētahi, “Tātou olo ki Peteleema oi kikila ki te mea tēnei kua tupu, e vē ona fakailoa mai e te Aliki ki a te ki tātou.”

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 17:4

Kua uma te fakailoa e au o te mamalu o koe ki te lalolagi; kua uma te fakataunuku e au o nā gāluega na tuku mai e koe ki a te au ke fai.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Efeho 1:6

Tātou viviki atu ki te Atua ona ko tona alofa tūnoa ma te meaalofa fōki fua mai e ia mo ki tātou — ko tona Ataliki fakapelepele.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 2:4

Kae ko te Atua e tumu i te alofa fakahao, ma ko te tūkehe o te lahi o tona alofa mo ki tātou,

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

Filipi 2:13

auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

Kolohe 1:20

Ko te mea ia na fuafua ai e te Atua, ke fai te Ataliki ma auala ke toe fakafoki atu ai te lagi ma te lalolagi ki a te ia. Na fai te fakaleleiga e te Atua, e ala i te mate o tona Ataliki i luga o te hātaulo, ke toe fakafoki atu ai ki a te ia nā mea uma lele, i te lagi ma e lalolagi.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

Fakaaliga 5:13

Ma na kō lagona atu nā meaola uma lele i te lagi, i te lalolagi, i te lalolagi i lalo i te takele o te kelekele, ma i loto o te tai — ma meaola uma i loto o iēnei mea uma, e pepehe: “Ke i tē e nofo i luga o te nofoāliki vēnā ma te Punuamāmoe, te fakafetai ma te fakaaloalo, te vīkiga ma te mana, ke pa ki te fakavavau fakavavau lava!”